കണ്ണൂര്: ജില്ലയില് ഇതുവരെ 33601 അതിഥി തൊഴിലാളികളുടെ രജിസ്ട്രേഷന് പൂര്ത്തിയാക്കി. തൊഴില്വകുപ്പിന്റെ പ്രത്യേക ക്യാമ്പുകളിലൂടെയും നേരിട്ടുള്ള വിവരശേഖരണത്തിലൂടെയുമാണ് രജിസ്ട്രേഷന്. ജില്ലയിലെ മത്സ്യബന്ധന തുറമുഖങ്ങളായ ആയിക്കര, അഴീക്കല്, പുതിയങ്ങാടി, തലായി, ഗോപാല്പേട്ട, പാലക്കോട് എന്നിവടങ്ങള്
കേന്ദ്രീകരിച്ച് നടത്തിയ 63 രജിസ്ട്രേഷന് ക്യാമ്പുകളിലായി 3177 അതിഥി തൊഴിലാളികളെ രജിസ്റ്റര് ചെയ്തു. ബാക്കിയുള്ള തൊഴിലാളികളുടെ രജിസ്ട്രേഷന് സ്പെഷ്യല് ഡ്രൈവിലൂടെ പൂര്ത്തീകരിക്കും. തുറമുഖങ്ങള് ട്രോളിങ്ങ് നിരോധനം നിലനില്ക്കുന്നതിനാല് തൊഴിലാളികള് നല്ലൊരു വിഭാഗം സ്വദേശത്തേക്ക് പോയിരിക്കുകയാണ്. ഇവര് തിരിച്ചെത്തുന്ന മുറയ്ക്ക് സ്പെഷ്യല് ഡ്രൈവ് ആസൂത്രണം ചെയ്യും. കണ്ണുര് സര്ക്കിളിലാണ് ഏറ്റവും കൂടുതല് അതിഥി തൊഴിലാളികളുള്ളത്. കണ്ണൂര് 1,2,3 സര്ക്കിളുകള്, തലശ്ശേരി 1,2 സര്ക്കിളുകള്, പയ്യന്നൂര്, തളിപ്പറമ്പ്, ഇരിട്ടി, ചിയാക് കണ്ണൂര് എന്നിങ്ങനെ ഡിവിഷനുകളയാണ് ജില്ലാ ലേബര് ഓഫീസിന്റെ നേതൃത്വത്തില് അതിഥി തൊഴിലാളികളുടെ രജിസ്ട്രേഷന് നടക്കുന്നത്.
