പ്രധാനമന്ത്രി നരേന്ദ്ര മോദിയുടെ അധ്യക്ഷതയിൽ 53-ാമത് പ്രഗതി യോഗം
പ്രധാനമന്ത്രി നരേന്ദ്ര മോദിയുടെ അധ്യക്ഷതയിൽ 53-ാമത് പ്രഗതി യോഗം ന്യൂഡൽഹിയിലെ സേവാ തീർത്തിൽ ചേർന്നു. റെയിൽവേ, റോഡ്, വൈദ്യുതി മേഖലകളിലായി ഒൻപത് സംസ്ഥാനങ്ങളിൽ നടപ്പാക്കുന്ന ആറ് പ്രധാന അടിസ്ഥാന സൗകര്യ പദ്ധതികളുടെ പുരോഗതി യോഗം വിലയിരുത്തി. 30,000 കോടി രൂപയിലധികം വരുന്ന പദ്ധതികളാണ് അവലോകനം ചെയ്തത്.പദ്ധതികൾ സമയബന്ധിതമായി പൂർത്തിയാക്കുക, വിവിധ ഏജൻസികൾ തമ്മിലുള്ള ഏകോപനം ശക്തിപ്പെടുത്തുക, നിലനിൽക്കുന്ന പ്രശ്നങ്ങൾക്ക് പരിഹാരം കാണുക എന്നിവയ്ക്കാണ് യോഗത്തിൽ പ്രധാനമായും ഊന്നൽ നൽകിയത്. മെച്ചപ്പെട്ട കണക്റ്റിവിറ്റി, സാമ്പത്തിക പ്രവർത്തനങ്ങളുടെ വളർച്ച, പൊതുസേവനങ്ങളുടെ കാര്യക്ഷമത എന്നിവ ഉറപ്പാക്കുന്നതും പദ്ധതികളുടെ ലക്ഷ്യങ്ങളാണ്.
പദ്ധതികളുടെ ആസൂത്രണ ഘട്ടത്തിൽ തന്നെ സാങ്കേതികവും സാമ്പത്തികവുമായ സാധ്യതകൾ പരിഗണിച്ച് സംയോജിത സമീപനം സ്വീകരിക്കണമെന്ന് പ്രധാനമന്ത്രി മന്ത്രാലയങ്ങളോടും സംസ്ഥാന സർക്കാരുകളോടും ആവശ്യപ്പെട്ടു.
More like this
