ആക്ടിവിസ്റ്റ് രാഹുൽ ഈശ്വറിൻ്റെ കസ്റ്റഡി കാലാവധി ഇന്ന് വൈകുന്നേരം 5 മണിക്ക് അവസാനിക്കുമെന്ന് ഭാര്യ ദീപ അറിയിച്ചു. പോലീസ് മൂന്ന് ദിവസത്തെ കസ്റ്റഡി ആവശ്യപ്പെട്ടിരുന്നെങ്കിലും, ഉപകരണങ്ങൾ നേരത്തെ കൈമാറിയതിനാൽ കൂടുതൽ കസ്റ്റഡിയുടെ ആവശ്യമില്ലെന്ന വാദം കോടതി അംഗീകരിച്ചതായും ദീപ മാധ്യമങ്ങളോട് പറഞ്ഞു. “പോലീസ് കസ്റ്റഡിക്ക് അപേക്ഷിച്ചിരുന്നു. അവർ മൂന്ന് ദിവസത്തെ കസ്റ്റഡിയാണ് ആവശ്യപ്പെട്ടത്. അദ്ദേഹത്തിൻ്റെ ഉപകരണങ്ങൾ, ഓഫീസ് തുടങ്ങിയവ പരിശോധിക്കണമെന്ന കാരണമാണ് അവർ ചൂണ്ടിക്കാട്ടിയത്. എന്നാൽ അദ്ദേഹത്തിൻ്റെ എല്ലാ ഉപകരണങ്ങളും രണ്ട് ദിവസം മുമ്പ് തന്നെ കൈമാറിയിരുന്നു. അതുകൊണ്ട് മൂന്ന് ദിവസത്തെ കസ്റ്റഡി ആവശ്യമില്ലെന്നായിരുന്നു ഞങ്ങളുടെ വാദം. കോടതി അത് അംഗീകരിക്കുകയും മൂന്ന് ദിവസത്തെ കസ്റ്റഡി ആവശ്യമില്ലെന്ന് പറയുകയും ചെയ്തു. വ്യാഴ്ഴ്ച വൈകുന്നേരം 5 മണിയോടെ കസ്റ്റഡി അവസാനിക്കും. അതിനുശേഷം ഉടൻ തന്നെ അദ്ദേഹത്തിന് ജാമ്യം ലഭിക്കുമെന്ന് ഞങ്ങൾ പ്രതീക്ഷിക്കുന്നു. ജാമ്യത്തിനായി ഇന്ന് തന്നെ അപേക്ഷ നൽകിയിട്ടുണ്ട്, കോടതി വെള്ളിയാഴ്ച അത് പരിഗണിക്കുമെന്ന് പ്രതീക്ഷിക്കുന്നു.”
