ഹിന്ദി സിനിമലോകത്ത് താരങ്ങളുടെ മക്കള് താരമാകുന്നത് ഒരു പുതിയ സംഭവം അല്ല. എന്നാല് തന്റേതായ വ്യക്തിമുദ്ര കൊണ്ട് ലഭിക്കുന്ന അവസരം മികച്ചതാക്കി മാറ്റുന്നവര് വളരെ കുറവാണ്. ഇങ്ങനെ ഇന്ത്യന് സിനിമലോകത്ത് തന്റേതായ സ്ഥാനം നേടിയെടുത്ത നടികളില് ഒരാളാണ് നോറ ഫത്തേഹി . ഒരു കെട്ടിമാറാപ്പുകളും കൂടാതെ ഹോളിവുഡില് തിളങ്ങുകയാണ് നടി. മികച്ചൊരു നര്ത്തകിയും, അവതാരകയും കൂടിയാണ് നോറ. രാജ്യാന്തര വേദികളിലും ശക്തമായ ഒരു കരിയര് കെട്ടിപ്പടുക്കാന് അവള്ക്കു സാധിച്ചിട്ടുണ്ട്.
ഇന്ത്യക്കാരിയല്ലാത്ത ‘ഇന്ത്യന്’ വിവാദ ചുഴിയില്
കാനഡയില് ജനിച്ചു വളര്ന്ന നോറ, സിനിമ സ്വപ്നങ്ങളുമായാണ് ഇന്ത്യയില് എത്തിയത്. പോക്കറ്റില് വെറും 5000 രൂപയുമാെയത്തിയ അവളുടെ ആസ്തി ഇന്ന് 50 കോടി രൂപയോളമാണ്. പ്രത്യേകിച്ച ഒരു സിനിമാ പാരമ്പര്യവും അവള്ക്കില്ല. എന്തിന് നന്നായി ഹിന്ദി പറയാന് പോലും അറിയില്ല. ഹോളിവുഡിലെ തുടക്കം അവളെ സംബന്ധിച്ച് വളരെ കഠിനമായിരുന്നുവെന്ന് നോറ തന്നെ പലവട്ടം വ്യക്തമാക്കിയിട്ടുണ്ട്. എന്നിട്ടും അവള് ഒരു സ്റ്റാറായി മാറി. നിലവില് ടി- സീരീസ് മേധാവി ഭൂഷണ് കുമാറുമായുള്ള നോറ ഫത്തേഹിയുടെ ബന്ധമാണ് ഹോളിവുഡിലെ ചൂടന് സംസാരവിഷയം. കിംവദന്തികള് ഏറെയാണ്
തടസങ്ങളോടു മല്ലിട്ടുനേടിയ വിജയം
ആദ്യകാല തിരിച്ചടികള്ക്കളില് അവര് തളര്ന്നില്ല. ഭാഷ ഒരു പ്രശ്നമല്ലെന്ന് അവള് അടിയുറച്ചു വിശ്വസിച്ചു. ഒടുവില് ‘റോര്: ടൈഗേഴ്സ് ഓഫ് ദി സുന്ദര്ബന്സ്’ എന്ന ചിത്രത്തിലൂടെ അവള് കരിയറിന് തുടക്കമിട്ടും. തുടര്ന്ന് ബാഹുബലി: ദി ബിഗിനിംഗ്, സത്യമേവ ജയതേ, ഭാരത്, ആന് ആക്ഷന് ഹീറോ തുടങ്ങിയ ചിത്രങ്ങളിലൂടെ അവള് ലഭിച്ച അവസരങ്ങള് മികച്ചതാക്കി
മികച്ച നര്ത്തകി
അഭിനയ രംഗത്ത് മുന്നേറ്റങ്ങള് നടത്തിയെങ്കിലും നോറയെ ഇന്ത്യ ഏറ്റെടുത്തത് അവളുടെ നൃത്തത്തിലൂടെ ആയിരുന്നു. നൃത്തം അവളെ ഇന്ത്യന് കുടുംബങ്ങളിലെ ഒരു അംഗമാക്കി മാറ്റി. ദില്ബാര്, ഓ സാകി സാകി, ആവോ കഭി ഹവേലി പേ തുടങ്ങിയ ട്രാക്കുകള് സൂപ്പര്ഹിറ്റാണ്. അങ്ങനെ ഫത്തേഹി ബോളിവുഡിലെ ഏറ്റവും ആവശ്യപ്പെടുന്ന പെര്ഫോമര്മാരില് ഒരാളായി മാറി. ഇന്ന് നോറ ഒരു പെര്ഫോമന്സിന് ഏകദേശം 2 കോടി രൂപയോളം പ്രതിഫലം വാങ്ങുന്നുവെന്നാണ് റിപ്പോര്ട്ടുകള് വ്യക്തമാക്കുന്നത്.
50 കോടിയുടെ അതുല്യ ആസ്തി
വെറും 5000 രൂപയുമായി ഇന്ത്യയില് എത്തിയ നോറയുടെ ആസ്തി ഇന്ന് 30- 50 കോടി രൂപയാണ്. ബോളിവുഡില് ഇന്ന് ഒരു സ്റ്റാര് ആണ് ഫത്തേഹി. വിവാദച്ചുഴിയില് അകപ്പെടുമ്പോഴും നോറയുടെ താരമൂല്യത്തില് ഒരു കുറവും വന്നിട്ടില്ല. വളരെ ആഡംബര ജീവിതമാണ് നോറ നയിക്കുന്നത്.
ആഡംബര ജീവിതം
മുംബൈ വൊര്ലിയിലെ 7- 10 കോടി വിലവരുന്ന ഒരു ലക്ഷ്വറി അപ്പാര്ട്ട്മെന്റിലാണ് അവളുടെ താമസം. കുടുംബത്തിനായി മൊറോക്കോയില് അവള് ഒരു ആസ്തി വാങ്ങിയതായി റിപ്പോര്ട്ടുകളുണ്ട്. ബിഎംഡബ്ല്യു 5 സീരീസ്, മേഴ്സിഡസ് ബെന്സ് ജിഎല്എ 200ഡി, ഹോണ്ട സിറ്റി, വോക്സ്വാഗണ് പോളോ എന്നിങ്ങനെ നീളുന്നു ഗ്യാരേജ് കളക്ഷന്. 5 കോടി വിലവരുന്ന ഒരു വാനിറ്റി വാനും അവള്ക്ക് സ്വന്തമായുണ്ട്. 1992 ഫെബ്രുവരി 6 ന് ജനിച്ച അവള്ക്ക് നിലവില് 33 വയസുണ്ട്.
