അർജുൻ ആയങ്കിക്ക് കാപ്പ കുരുക്ക്: 23 കേസുകളുടെ പട്ടികയുമായി സിറ്റി പൊലീസ്; കളക്ടറുടെ ഉത്തരവ് ഉടൻ
കണ്ണൂർ: ഡിവൈഎഫ്ഐ മുൻ പ്രാദേശിക നേതാവും വിവാദ നായകനുമായ അർജുൻ ആയങ്കിക്കെതിരെ വിരുദ്ധ സാമൂഹിക വിരുദ്ധ പ്രവർത്തന തടയൽ നിയമം (കാപ്പ) ചുമത്തുന്നതിനുള്ള നടപടികൾ പൊലീസ് ഊർജ്ജിതമാക്കി. ഇയാളുടെ കേസ് ഹിസ്റ്ററി ഉൾപ്പെടുത്തിയ വിശദമായ റിപ്പോർട്ട് കണ്ണൂർ സിറ്റി പൊലീസ് കമ്മീഷണർ ജില്ലാ കളക്ടർക്ക് കൈമാറി. വളപട്ടണം എസ്.എച്ച്.ഒയാണ് ഈ വിവരങ്ങൾ തയ്യാറാക്കിയത്.
വിവിധ സ്റ്റേഷനുകളിലായി കള്ളക്കടത്ത്, അക്രമം ഉൾപ്പെടെ 23-ഓളം കേസുകളിൽ പ്രതിയായ അർജുൻ ആയങ്കിയുടെ വിവരങ്ങളാണ് റിപ്പോർട്ടിലുള്ളത്. ഇയാൾക്കെതിരെ കാപ്പ ചുമത്തി നാടു കടത്തണമോ അതോ കരുതൽ തടങ്കലിൽ പാർപ്പിക്കണമോ എന്ന കാര്യത്തിൽ ജില്ലാ കളക്ടറാണ് അന്തിമ ഉത്തരവിറക്കേണ്ടത്. കളക്ടർ തീരുമാനമെടുത്ത ശേഷം, ആഭ്യന്തര സെക്രട്ടറിയുടെ അധ്യക്ഷതയിലുള്ള ഉയർന്ന തല റിവ്യൂ കമ്മിറ്റിയുടെ അംഗീകാരം കൂടി ലഭിച്ചാൽ മാത്രമേ നടപടി പ്രാബല്യത്തിൽ വരികയുള്ളൂ.
More like this
