ന്യൂഡല്ഹി: യെമനില് വധശിക്ഷയ്ക്ക് വിധേയമായ നിമിഷപ്രിയയുടെ മോചനത്തില് കേന്ദ്രത്തിന്റെ അടിയന്തര ഇടപെടല് തേടി സുപ്രീംകോടതിയില് ഹര്ജി. വിദേശകാര്യ മന്ത്രാലയത്തെ എതിര്കക്ഷിയാക്കി സേവ് നിമിഷ പ്രിയ ആക്ഷന് കൗണ്സില് ആണ് ഹര്ജി നല്കിയിരിക്കുന്നത്. അഭിഭാഷകന് കെ ആര് സുഭാഷ് ചന്ദ്രനാണ് ഹര്ജി സമര്പ്പിച്ചിരിക്കുന്നത്.
ഹര്ജി ഇന്ന് സുപ്രീംകോടതിക്ക് മുമ്പാകെ പരാമര്ശിക്കും. വധശിക്ഷ നടപ്പാക്കുന്നത് തടയണമെന്നും ഇതിന് അടിയന്തരമായി ഇടപെടല് ഉണ്ടാകണമെന്നും ആക്ഷന് കൗണ്സില് ആവശ്യപ്പെട്ടു.
