തിരുവനന്തപുരം: കൊട്ടാരക്കര ബൈപ്പാസ് നിർമ്മാണത്തിനായുള്ള ഭൂമി ഏറ്റെടുക്കൽ വൈകുന്നതുമൂലം പദ്ധതിച്ചെലവ് കുതിച്ചുയരുന്നതിലും ഖജനാവിനുണ്ടാകുന്ന നഷ്ടത്തിലും മുഖ്യമന്ത്രി വി.ഡി. സതീശൻ ആശങ്ക പ്രകടിപ്പിച്ചു. നിയമസഭയിൽ കെ.എൻ. ബാലഗോപാൽ എം.എൽ.എയുടെ സബ്മിഷന് മറുപടി നൽകുകയായിരുന്നു അദ്ദേഹം.
2022-ൽ 1500 കോടി രൂപയ്ക്ക് ഭരണാനുമതി ലഭിച്ച പദ്ധതിയായിട്ടും നാല് വർഷമായി ഭൂമി ഏറ്റെടുക്കൽ പൂർത്തിയായിട്ടില്ല. നടപടിക്രമങ്ങൾ ലഘൂകരിക്കുകയും സർവേയർമാരെ വിന്യസിക്കുകയും ചെയ്തില്ലെങ്കിൽ ഖജനാവിലെ പണം നഷ്ടമാകുമെന്നും ഇത്തരം കാര്യങ്ങൾ ബജറ്റിൽ ഗൗരവമായി പരിഗണിക്കുമെന്നും മുഖ്യമന്ത്രി പറഞ്ഞു. നിലവിൽ ഭൂമി ഏറ്റെടുക്കൽ അന്തിമഘട്ടത്തിലാണ്. പുതുക്കിയ എസ്റ്റിമേറ്റ് ഉൾപ്പെടുത്തി രണ്ടാംഘട്ട സിവിൽ പ്രവൃത്തികൾക്കായി 254.81 കോടി രൂപയുടെ ധനാനുമതി ലഭ്യമാക്കിയിട്ടുണ്ടെന്നും ബൈപ്പാസ് നിർമ്മാണം വേഗത്തിലാക്കാൻ സർക്കാർ ആവശ്യമായ നടപടികൾ സ്വീകരിക്കുമെന്നും അദ്ദേഹം സഭയെ അറിയിച്ചു.
