ലോകത്തെ ഏറ്റവും മികച്ച ബിസിനസ് കുടുംബങ്ങളില് ഒന്നാണ് റിലയന്സ് എന്നു പ്രത്യേകം പറയേണ്ട കാര്യമില്ലല്ലോ? നിലവില് മുകേഷ് അംബാനിയും, നിത അംബാനിയും തങ്ങളുടെ ബിസിനസ് പാരമ്പര്യം മകള്ക്ക് കൈമാറുന്ന തിരക്കിലാണ്. മുകേഷ് അംബാനിക്കു ശേഷം ആ സ്ഥാനത്ത് പ്രതീക്ഷിക്കപ്പെടുന്ന പേരുകളില് ഏറ്റവും മുന്നില് മകള് ഇഷഅംബാനി യുടേതാണ്. സമീപ കാലത്ത് വിജയകരമായ ഒരു ബിസിനസുകാരിയായി അവള് ഉയര്ന്നുവന്നിട്ടുണ്ട്.റിലയന്സ് റീട്ടെയിലിനെ മികച്ച രീതിയില് കൈകാര്യം ചെയ്യാന് ഇഷയ്ക്ക് സാധിക്കുന്നുണ്ട്. റിപ്പോര്ട്ടുകള് പ്രകാരം റിലയന്സ് റീട്ടെയിലിനെ നയിക്കുന്നതിന് ഇഷ അംബാനിക്ക് പ്രതിമാസം 35 ലക്ഷം രൂപയാണ് ശമ്പളമായി ലഭിക്കുന്നത്. ഇഷയുടെ വാര്ഷിക ശമ്പളം 4.2 കോടി രൂപയാണെന്നും ഇതേ റിപ്പോര്ട്ട് കൂട്ടിച്ചേര്ക്കുന്നു. അതേസമയം ഈ പേഔട്ട് കമ്പനി ഓഹരികളില് നിന്നുള്ള അധിക ബോണസുകളും, ലാഭവിഹിതവും കൂടാതെയാണെന്ന് പ്രത്യേകം ഓര്ക്കുക.
കുറച്ചു കൂടി വ്യക്തമാക്കിയാല് ഇഷ ഒരു മണിക്കൂര് ജോലി ചെയ്യുന്നതിന് ഏകദേശം 20,000 രൂപയില് കൂടുതല് നേടുന്നു. ഒരാഴ്ചയില് 5 ദിവസം 8 മണിക്കൂര് വീതം ജോലി ചെയ്യുന്ന അനുമാനത്തിലാണ് ഈ കണക്കെന്നും നിങ്ങള് മനസിലാക്കേണ്ടതുണ്ട്. ഇനി നിങ്ങള് ഇഷയെ പറ്റി മറ്റൊരു രസകരമായ വസ്തുത പറയാം. ലോകം അറിയുന്ന ഒരു ബിസിനസ് സാമ്രാജ്യം അച്ഛനുണ്ടായിട്ടും അവള് തന്റെ കരിയര് ആരംഭിച്ചത് റിലയന്സില് അല്ല.പ്രശസ്തമായ യേല് യൂണിവേഴ്സിറ്റിയില് നിന്ന് സൈക്കോളജിയിലും, സൗത്ത് ഏഷ്യന് സ്റ്റഡീസിലും ബിരുദം നേടിയ ഇഷ മക്കിന്സി & കമ്പനിയില് ബിസിനസ് അനലിസ്റ്റായാണ് കരിയര് ആരംഭിച്ചത്. അന്ന് 22 വയസുണ്ടായിരുന്ന ഇഷയെ റിലയന്സിന്റെ നേതൃത്വ സ്ഥാനത്തേക്ക് കൊണ്ടുവരിക എന്ന ലക്ഷ്യത്തോടെയുള്ള ഗ്രൂമിംഗ് ആയിരുന്നു ഇതെന്ന് വിദഗ്ധര് വിലയിരുത്തുന്നു.റിലയന്സ് റീട്ടെയിലിനെ കുറഞ്ഞ സമയത്തിനുള്ളില് ഇന്ത്യയിലെ ഏറ്റവും മികച്ച റീട്ടെയിലറായി ഉയര്ത്താന് അവള്ക്കു സാധിച്ചു. റിലയന്സ് റീട്ടെയിലിന്റെ ഇ- കൊമേഴ്സ് ബിസിനസായ അജിയോ, ബ്യൂട്ടി പ്ലാറ്റ്ഫോമായ ടിറ എന്നിവയ്ക്കു പിന്നിലെ തലയും ഇഷ തന്നെ. മികച്ച ആഗോള കമ്പനികളുമായുള്ള എക്സ്ക്ലൂസീവ് പങ്കാളിത്തങ്ങളും ഇഷ സാധ്യമാക്കി. ഇത് റിലയന്സ് റീട്ടെയിലിന്റെ ദ്രുത വികസനത്തിനു വഴിവച്ചു. കഴിഞ്ഞ വര്ഷം ഹാര്പേഴ്സ് ബസാര് വിമന് ഓഫ് ദി ഇയര് അവാര്ഡ്സില് ‘ഐക്കണ് ഓഫ് ദി ഇയര്’ ആയി തെരഞ്ഞെടുക്കപ്പെട്ടത് ഇഷയായിരുന്നു.
34 വയസുകാരിയായ ഇഷ റിലയന്സ് റീട്ടെയില് വെഞ്ച്വേഴ്സ്, റിലയന്സ് ജിയോ ഇന്റര്കോം, റിലയന്സ് ഫൗണ്ടേഷന് എന്നിവയുള്പ്പെടെ നിരവധി റിലയന്സ് ഇന്ഡസ്ട്രീസ് സ്ഥാപനങ്ങളുടെ ബോര്ഡില് മുഖ്യ സ്ഥാനം വഹിക്കുന്നു. റിപ്പോര്ട്ടുകള് പ്രകാരം അവള് നയിക്കുന്ന റിലയന്സ് റീട്ടെയിലിന്റെ നിലവിലെ മൂല്യം ഏകദേശം 8.3 ലക്ഷം കോടി രൂപയാണ്. വെര്സേസ്, അമിരി, അര്മാനി, ബാലന്സിയാഗ തുടങ്ങിയ മുന്നിര ആഗോള ഫാഷന് ബ്രാന്ഡുകളെ ഇന്ത്യന് വിപണികളില് എ്ത്തിച്ചതും ഇഷ തന്നെ.
