കണ്ണൂർ :സംസ്ഥാനത്ത് റെക്കോര്ഡുകള് ഭേദിച്ച് സ്വര്ണവില 90,000ലേക്ക്. ഇന്ന് പവന് 920 രൂപ വര്ധിച്ചതോടെ 89,000 കടന്നിരിക്കുകയാണ് സ്വര്ണവില. 89,480 രൂപയാണ് പുതിയ സ്വര്ണവില. ഗ്രാമിന് 115 രൂപയാണ് വര്ധിച്ചത്. 11,185 രൂപയാണ് ഒരു ഗ്രാം സ്വര്ണത്തിന്റെ വില.
സെപ്റ്റംബര് 9 നാണ് സ്വര്ണവില ആദ്യമായി 80,000 പിന്നിട്ടത്. തുടര്ന്നുള്ള ദിവസങ്ങളില് ഓരോ ദിവസവും റെക്കോര്ഡുകള് ഭേദിച്ച് സ്വര്ണവില കുതിക്കുന്ന കാഴ്ചയാണ് ദൃശ്യമായത്.
ലോകത്തെ ഏറ്റവും വലിയ സ്വര്ണ ഉപഭോക്താക്കളാണ് ഇന്ത്യ. ഓരോ വര്ഷവും ടണ് കണക്കിന് സ്വര്ണം രാജ്യത്ത് ഇറക്കുമതി ചെയ്യപ്പെടുന്നു. അതുകൊണ്ട് ആഗോള വിപണിയില് സംഭവിക്കുന്ന ചെറിയ ചലനങ്ങള് പോലും അടിസ്ഥാനപരമായി ഇന്ത്യയിലെ സ്വര്ണവിലയില് പ്രതിഫലിക്കും.
