കരുത്തുറ്റ പാദഫലങ്ങളും, ഗോൾഡ്മാൻ സാക്സിന്റെ ‘പച്ചക്കൊടിയും’ ഊർജ്ജമേകിയ ഓഹരിയാണ് പി.ടി.സി ഇൻഡസ്ട്രീസ് (PTC Industries). ഇന്ന്, ജൂൺ 1ാം തിയ്യതി 17% വരെ പറന്നു കയറിയ ഓഹരി ഇപ്പോൾ 19,140 രൂപ നിലവാരത്തിലാണ്. 2026 സാമ്പത്തിക വർഷത്തിൽ മികച്ച ബിസിനസ് പ്രകടനമാണ് ഈ കമ്പനി കാഴ്ച്ച വെച്ചത്. ലക്ഷ്യവില ഉൾപ്പെടെയുള്ള വിവരങ്ങൾ മനസ്സിലാക്കാം.
പി.ടി.സി ഇൻഡസ്ട്രീസ്
സ്റ്റെയിൻലസ് സ്റ്റീൽ കാസ്റ്റിങ്സ് & ഫോർജിങ്സ് മേഖലയിൽ ബിസിനസ് ചെയ്യുന്ന സ്മാൾക്യാപ് കമ്പനിയാണിത്. ഏർത്ത് മൂവിങ് മെഷീൻ ഉപകരണങ്ങൾ, മെഷീൻ ടൂളുകൾ, ഫോർക്ക്, പമ്പ്, സ്പെയർ പാർട്സ്, വാൽവുകൾ തുടങ്ഹിയവയുടെ മാനുഫാക്ചറിങ്, സപ്ലൈ എന്നിവ നടത്തുന്നു. 1968 മുതൽ ബിസിനസ് രംഗത്തുള്ള കമ്പനി കൂടിയാണിത്.
2026 സാമ്പത്തിക വർഷത്തെ ബിനസ് പ്രകടനം
2026 സാമ്പത്തിക വർഷത്തിൽ കമ്പനിയുടെ വരുമാനം ഇയർ-ഓൺ-ഇയർ അടിസ്ഥാനത്തിൽ 308.7 കോടിയിൽ നിന്ന് 96% വർധനയോടെ 602.78 കോടി രൂപയിലെത്തി. സമാന കാലയളവിൽ പ്രൊഫിറ്റ് ആഫ്റ്റർ ടാക്സ് 61.02 കോടിയിൽ നിന്ന് 66% വളർച്ചയോടെ 101.56 കോടിയായി മാറി.
ഇ.പി.എസ് 41.37 രൂപയിൽ നിന്ന് 67.76 രൂപയിലേക്കുമെത്തി. ചുരുക്കത്തിൽ, 2026 സാമ്പത്തിക വർഷത്തിൽ കമ്പനിയുടെ വരുമാനം ഏകദേശം ഇരട്ടിയോളം വളർച്ച നേടി. ലാഭമാർജിൻ കുത്തനെ വർധിച്ചു.
ബിസിനസ് ഔട്ലുക്ക്
2024 ഡിസംബറിൽ കമ്പനി യു.കെ ആസ്ഥാനമായ ട്രാക് ഹോൾഡിങ്സ് എന്ന കമ്പനിയെ ഏറ്റെടുത്തിരുന്നു. ഗ്ലോബൽ എയ്റോസ്പെയ്സ് ഒ.ഇ.എം ബിസിനസുകൾക്ക് പ്രിസിഷൻ മെഷീനിങ് സൊല്യൂഷനുകൾ നൽകുന്ന ഒരു കമ്പനിയാണിത്. ഇത് പി.ടി.സിയുടെ കൺസോളിഡേറ്റഡ് ഫിനാൻഷ്യൽസിൽ അർത്ഥവത്തായ മാറ്റങ്ങൾ വരുത്തി.
ദീർഘകാലാടിസ്ഥാനത്തിലുള്ള കരാറുകൾ, ഗ്ലോബൽ എയ്റോസ്പെയിസിലെ മുൻനിരക്കാരുമായുള്ള ബിസിനസ് ബാന്ധവും, മെഷീനിങ് കപ്പാസിറ്റിയിലെ വർധന തുടങ്ങിയവ കമ്പനിക്ക് നേട്ടമായി മാറി.
ഗോൾഡ്മാൻ സാക്സ് – വാങ്ങൽ നിർദ്ദേശം
പ്രമുഖ ആഗോള ഇൻവെസ്റ്റ്മെന്റ്-ബ്രോക്കിങ് സ്ഥാപനമായ ഗോൾഡ്മാൻ സാക്സ് ഈ ഓഹരിക്ക് 25,770 രൂപയാണ് ലക്ഷ്യവില നിശ്ചയിച്ചിരിക്കുന്നത്. ഇത് ഇപ്പോഴത്തെ ഓഹരി വിലയേക്കാൾ ഏകദേശം 36% ഉയർച്ചയാണ്. ഈ ഓഹരിയുടെ 52 ആഴ്ച്ചകളിലെ ഉയർച്ച/താഴ്ച്ച എന്നിവ യഥാക്രമം 19.387/13,251 രൂപ നിലവാരങ്ങളിലാണ്
