നവരത്നരത്ന പൊതുമേഖലാ സ്ഥാപനമായ എന്എച്ച്പിസി സര്ക്കാരിന്റെ ഓഫര് ഫോണ് സെയിലിനെ തുടര്ന്ന് നിക്ഷേപശ്രദ്ധ ആകര്ഷിക്കുകയാണ്. ഇന്ത്യാ ഗവണ്മെന്റിന്റെ മുന്നിര ജലവൈദ്യുത ഉല്പ്പാദന കമ്പനിയുടെ ഓഹരികള് കുറഞ്ഞ വിലയ്ക്ക് കൂടെ കൂട്ടാനുള്ള അവസരമാണ് നിക്ഷേപകര്ക്ക് കൈവന്നിരിക്കുന്നത്. ബള്ക്ക് പവര് ഉല്പ്പാദനത്തിലും, വില്പ്പനയിലുമാണ് കമ്പനി പ്രധാനമായും ശ്രദ്ധ കേന്ദ്രീകരിച്ചിരിക്കുന്നത്. പ്രോജക്ട് മാനേജ്മെന്റ്, നിര്മ്മാണ കരാറുകള്, കണ്സള്ട്ടന്സി അസൈന്മെന്റ് സേവനങ്ങള്, പവര് ട്രേഡിങ് എന്നിങ്ങനെ ശക്തമായ പോര്ട്ട്ഫോളിയോ കമ്പനിക്കുണ്ട്. ഹൈഡ്രോപവര് രംഗത്തെ പ്രമുഖ പൊതുമേഖലാ സ്ഥാപനത്തിന്റെ ഓഫര് ഫോര് സെയിലിലുമായി (OFS) ബന്ധപ്പെട്ട വിവരങ്ങളാണ് താഴെ പറയുന്നത്.
എന്തുകൊണ്ട് ഇന്നലെ ഇടിഞ്ഞു
സര്ക്കാര് പ്രഖ്യാപിച്ച ഡിസ്കൗണ്ട് വിലയിലുള്ള ഒഎഫ്എസ് ആണ് ഇന്നലെ ഓഹരികളെ തളര്ത്തിയത്. ഓഹരിയൊന്നിന് 71 രൂപ നിരക്കിലാണ് സര്ക്കാര് ഓഫര് ഫോര് സെയില് പ്രഖ്യാപിച്ചിരിക്കുന്നത്. സര്ക്കാര് ഓഹരികള്ക്കു നിശ്ചയിച്ച ഈ ഫ്ലോര് പ്രൈസ് മുന് ദിവസത്തെ വിപണി വിലയേക്കാള് (77.19 രൂപ, തിങ്കളാഴ്ചത്തെ ക്ലോസിംഗ് വില) ഏകദേശം 8% കുറവായിരുന്നു. വിപണി വില ഈ പുതിയ ഫ്ലോര് പ്രൈസിലേക്ക് ക്രമീകരിക്കപ്പെട്ടതിന്റെ ഫലമാണ് ഇ്ന്നലത്തെ ഇടിവ്. ഇന്നലെ 71.93 രൂപയിലാണ് ഓഹരി വ്യാപാരം അവസാനിപ്പിച്ചത്.
സര്ക്കാര് ഓഫര് ഫോര് സെയില് വിശദാംശങ്ങള്
പൊതുമേഖല കമ്പനിയിടെ ഓഹരി പങ്കാളിത്തത്തില് 3% കുറവ് വരുത്താനാണ് സര്ക്കാര് തീരുമാനിച്ചിരിക്കുന്നത്. ആവശ്യക്കാര് കൂടിയാല് അധികമായി 3% കൂടി (Green Shoe Option) വില്ക്കാനും തീരുമാനിച്ചിട്ടുണ്ട്. അതായത് വലിയ ഡിമാന്ഡ് അനുഭവപ്പെട്ടാല് സര്ക്കാര് പങ്കാളിത്തത്തില് 6% വരെ കുറവ് വരും. ഇന്സ്റ്റിറ്റിയൂഷണല് (Non-Retail) നിക്ഷേപകര്ക്കുള്ള ഒഎഫ്എസ് വിന്ഡോ ഇന്നലെ (ജൂണ് 2) തുറന്നു. ചെറുകിട (Retail) നിക്ഷേപകര്ക്കുള്ള വിന്ഡോ ആണ് ഇന്ന് (ജൂണ് 3ൂ സജീവമാകുന്നത്. ഓഹരി വില്പ്പനയിലൂടെ ഏകദേശം 4,200 കോടി രൂപ സമാഹരിക്കാനാണ് കേന്ദ്ര സര്ക്കാര് ലക്ഷ്യമിടുന്നത്.
റീട്ടെയില് നിക്ഷേപകര്ക്ക് നേട്ടമാകുന്നതെങ്ങനെ?
ഒഎഫ്എസ് ഓഹരിയുടെ വില ഇടിച്ചിട്ടുണ്ട്. ഇത് കുറഞ്ഞ വിലയില് ഓഹരി വാങ്ങാനുള്ള സുവര്ണ്ണ അവസരമാണ്. മുമ്പുണ്ടായിരുന്ന വിപണി വിലയേക്കാള് ആകര്ഷകമായ ഡിസ്കൗണ്ടില് (71 രൂപ്) റീട്ടെയില് നിക്ഷേപകര്ക്ക് ഓഹരി സ്വന്തമാക്കാം. മൊത്തം ഓഫറിന്റെ 10% ഓഹരികള് റീട്ടെയില് നിക്ഷേപകര്ക്കായി നീക്കിവച്ചിട്ടുണ്ട്. റീട്ടെയില് നിക്ഷേപകര്ക്ക് കട്ട് ഓഫ് പ്രൈസില് നേരിട്ട് അപേക്ഷിക്കാമെന്നതിനാല് ഓഹരികള് അലോട്ട് ചെയ്ത് കിട്ടാനുള്ള സാധ്യത കൂടുതലാണ്. ദീര്ഘകാല നിക്ഷേപകരെ സംബന്ധിച്ച് ഇതൊരു മികച്ച അവസരമായി വിദഗ്ധര് വിലയിരുത്തുന്നു.
ഒഎഫ്എസിന്റെ ലക്ഷ്യങ്ങള്
എന്തുകൊണ്ട് സര്ക്കാര് ഓഹരികള് വിറ്റഴിക്കുന്നുവെന്ന ചോദ്യം പല നിക്ഷേപകര്ക്കും ഉണ്ടാകാം. ഇതിനു പ്രധാന കാരണം സര്ക്കാരിന്റെ ഡിസിന്വെസ്റ്റ്മെന്റ് ലക്ഷ്യം തന്നെയാണ്. 2027 സാമ്പത്തിക വര്ഷത്തില് സര്ക്കാര് ഓഹരികള് വിറ്റഴിച്ച് 80,000 കോടി രൂപ കണ്ടെത്താനാണ് ബജറ്റ് ലക്ഷ്യം വയ്ക്കുന്നത്. കമ്പനികളിലെ സര്ക്കാര് പങ്കാളിത്തം കുറച്ച് കൂടുതല് ഓഹരികള് പൊതുവിപണിയില് ലഭ്യമാക്കുകയെന്ന ലക്ഷ്യവും സര്ക്കാരിനുണ്ട്.
ഇപ്പോള് വാങ്ങുന്നത് ബുദ്ധിയോ?
ദീര്ഘകാല നിക്ഷേപകരെ സംബന്ധിച്ച് ഈ ഓഫര് വലിയ അനുകൂല ഘടകം തന്നെയാണ്. ഇന്ത്യയുടെ പുനഃരുപയോഗ ഊര്ജ്ജ, ഹൈഡ്രോപവര് മേഖലയിലാണ് നിങ്ങളുടെ നിക്ഷേപം എത്തുന്നത്. അനുദിനം ഊര്ജ്ജ ഡിമാന്ഡ് വര്ധിച്ചുകൊണ്ടിരിക്കുന്ന ഇന്ത്യയെ സംബന്ധിച്ച് ഈ മേഖലയുടെ പ്രധാന്യം എടുത്തു പറയേണ്ട കാര്യമില്ലല്ലോ? ഈ മേഖലയില് എന്എച്ച്പിസി പ്രമുഖരുമാണ്.
മികച്ച ഡിവിഡന്റ് നല്കുന്ന കമ്പനികളില് ഒന്നു കൂടിയാണ്. അതുകൊണ്ട് നിങ്ങള് ഈ നിക്ഷേപം വഴി ഒരു ബോണസ് വരുമാനം കൂടിയാണ് ഉറപ്പാക്കുന്നത്. നിക്ഷേപിക്കാന് ആഗ്രഹിക്കുന്നവര്ക്ക് ഈ വിലക്കുറവ് നല്ലൊരു അവസരമാണ്. വിപണിയില് നിന്ന് നേരിട്ട് വാങ്ങുന്നതിനേക്കാള് മികച്ചത് ഈ ഒഎഫ്എസ് തന്നെതാണ്. ഇനി വിപണി വില ഒഎഫ്എസിലും താഴെ പോകുന്ന പക്ഷം വിപണികളില് നേരിട്ട് വാങ്ങുന്നതും പരിഗണിക്കാം.
