രാജ്യത്ത് പണപ്പെരുപ്പം വരുതിയിലായതോടെ വളര്ച്ചയെ പിന്തുണയ്്ക്കുന്നതിനായി ആര്ബിഐ പണനയത്തില് റിപ്പോ നിരക്കുകള് കുറയ്ക്കല് തുടരുന്നു. ഇതേത്തുടര്ന്ന് രാജ്യത്തെ ബാങ്കുകളും, ബാങ്ക് ഇതര ധനകാര്യ സ്ഥാപനങ്ങളും തങ്ങളുടെ നിക്ഷേപ, പലിശ നിരക്കുകള് കുറച്ചുവരികയാണ്. ബാങ്ക് നിക്ഷേപ പലിശ തുടര്ച്ചയായി താഴ്ന്നതിനിടെ രാജ്യത്തെ സാധാരണക്കാരായ നിക്ഷേപകര്ക്ക് ആശ്വാസം പകര്ന്നിരിക്കുകയാണ് കേന്ദ്ര സര്ക്കാര്.
ലഘുസമ്പാദ്യ പദ്ധതികളുടെ പലിശ നിലനിര്ത്തി
ഇത്തവണ കേന്ദ്ര ബാങ്ക് ചെറു നിക്ഷേപ പദ്ധതികളുടെ പലിശ നിരക്ക് കുറച്ചേക്കുമെന്ന ആശങ്ക നിക്ഷേപകര്ക്കുണ്ടായിരുന്നു. എന്നാല് അത്തരം ആശങ്കകള് എല്ലാം ഇല്ലതാക്കിയിരിക്കുന്നു കേന്ദ്ര ധനമന്ത്രാലയം. പിപിഎഫ്, സുകന്യ സമൃദ്ധി യോജന, എന്എസ്സി, വിവിധ പോസ്റ്റ് ഓഫീസ് പദ്ധതിപലിശ നിരക്ക് മാറ്റമില്ലാതെ തുടരുന്നതായി മന്ത്രാലയം സര്ക്കുലറില് വ്യക്തമാക്കി. ത്രൈമാസാടിസ്ഥാനത്തിലാണ് സര്ക്കാര് ഇത്തരം പദ്ധതികളുടെ പലിശ നിരക്ക് നിശ്ചയിക്കുന്നത്. നിലവിലെ സാഹചര്യത്തില് 2026 ജനുവരി 01 മുതല് 2026 മാര്ച്ച് 31 വരെ പദ്ധതികള് ഉയര്ന്ന പലിശയില് തന്നെ തുടരും.
നിക്ഷേപകര്ക്ക് പ്രിയപ്പെട്ട എസ്എസ്വെ
ഉയര്ന്ന പലിശ വാഗ്ദാനം ചെയ്യുന്ന സുകന്യ സമൃദ്ധി യോജനയാന് ചെറുകിട സമ്പാദ്യ പദ്ധതികളില് നിക്ഷേപകര്ക്ക് ഏറ്റവും പ്രിയപ്പെട്ടത്. ഇവിടെ നിക്ഷേപകര്ക്ക് 8.2% പലിശ ആസ്വദിക്കാന് കഴിയും.
പിപിഎഫ്, എന്എസ്സി, പോസ്റ്റ് ഓഫീസ് സ്കീം
അടുത്ത മൂന്നു വര്ഷ കാലയളവില് പബ്ലിക് പ്രൊവിഡന്റ് ഫണ്ട് (പിപിഎഫ്) 7.1 ശതമാനം പലിശ നല്കുന്നത് തുടരും. പോസ്റ്റ് ഓഫീസ് സേവിംഗ്സ് ഡെപ്പോസിറ്റ് സ്കീം 4 ശതമാനം പലിശ നല്കും. നാഷണല് സേവിംഗ്സ് സര്ട്ടിഫിക്കറ്റ് (എന്എസ്സി) നിക്ഷേപകര്ക്ക് ജനുവരി- മാര്ച്ച് പാദത്തില് 7.7 ശതമാനം പലിശ നല്കും. മൂന്നു വര്ഷത്തെ് പോസ്റ്റ് ഓഫീസ് എഫ്ഡി സ്കീം 7.1% പലിശ നല്കും.
കിസാന് വികാസ് പത്ര, പ്രതിമാസ വരുമാന പദ്ധതി
നിക്ഷേപം ഇരട്ടിപ്പിക്കല് സ്കീം എന്നു പൊതുവേ വിശേഷിപ്പിക്കപ്പെടുന്ന കിസാന് വികാസ് പത്രയുടെ (കെവിപി) പലിശ നിരക്ക് 7.5 ശതമാനമായി തുടരും. നിലവിലെ സാഹചര്യത്തില് 115 മാസത്തിനുള്ളില് ഈ പദ്ധതിയിലെ നിക്ഷേപം ഇരട്ടിയാകും. പ്രതിമാസ വരുമാന പദ്ധതിയിലെ (എംഐഎസ്) നിക്ഷേപകര്ക്ക് നടപ്പ് സാമ്പത്തിക വര്ഷത്തിന്റെ നാലാം പാദത്തില് 7.4 ശതമാനം പലിശ കിട്ടും.
നിക്ഷേപകരെ സംബന്ധിച്ച് സര്ക്കാരിന്റെ തീരുമാനം വലിയ ആശ്വാസവും, പ്രതീക്ഷയുമാണ്. കാരണം ബാങ്കുകളുടെ ദീര്ഘകാല നിക്ഷേപ പദ്ധതികള് പോലും ഒട്ടും ആകര്ഷകമല്ലാത്ത സ്ഥിതിവിശേഷമാണ് നിലവിലുള്ളത്. ഇവിടെയാണ് ചെറു സമ്പാദ്യ പദ്ധതികള് ഹ്രസ്വ- ഇടത്തരം കാലയളവില് പോലും മികച്ച പലിശ ഉറപ്പാക്കുന്നത്.
