ഇന്ത്യൻ നാവികസേനയിൽ ഐഎൻഎസ് നിപുൺ കമ്മീഷൻ ചെയ്തു
ഇന്ത്യൻ നാവികസേനയിൽ ഐഎൻഎസ് നിപുൺ കമ്മീഷൻ ചെയ്തു
മുംബൈ: നിസ്റ്റാർ ക്ലാസിലെ രണ്ടാമത്തെ ഡൈവിംഗ് സപ്പോർട്ട് വെസലായ (DSV) ഐഎൻഎസ് നിപുൺ ഇന്ത്യൻ നാവികസേനയിൽ കമ്മീഷൻ ചെയ്തു. മുംബൈയിലെ നേവൽ ഡോക്ക്യാർഡിൽ നടന്ന ചടങ്ങിലാണ് കപ്പൽ നാവികസേനയുടെ ഭാഗമായത്.
കമ്മീഷനിംഗ് ചടങ്ങിൽ നാവികസേനാ മേധാവി അഡ്മിറൽ കൃഷ്ണ സ്വാമിനാഥൻ പങ്കെടുത്തു. ബഹുമേഖലാ ആഴക്കടൽ ദൗത്യങ്ങൾക്കായി നാവികസേനയുടെ പ്രത്യേക ജലാന്തർ ശേഷി ശക്തിപ്പെടുത്തുന്നതിൽ ഐഎൻഎസ് നിപുൺ നിർണായക പങ്കുവഹിക്കുമെന്ന് അദ്ദേഹം പറഞ്ഞു.
സങ്കീർണമായ ജലാന്തർ ദൗത്യങ്ങൾക്കായി വെസ്റ്റേൺ നേവൽ കമാൻഡിന്റെ ശേഷി വർധിപ്പിക്കുന്നതിനും കപ്പൽ സഹായകമാകും. സമർപ്പിത ഡൈവിംഗ് സപ്പോർട്ട് വെസലായും അന്തർവാഹിനി രക്ഷാപ്രവർത്തന കപ്പലായും ഐഎൻഎസ് നിപുൺ പ്രവർത്തിക്കും.
തദ്ദേശീയമായി രൂപകൽപ്പന ചെയ്ത് നിർമിച്ച കപ്പൽ എന്ന നിലയിൽ ഐഎൻഎസ് നിപുൺ പ്രതിരോധ കപ്പൽനിർമാണ രംഗത്തെ ഇന്ത്യയുടെ ആത്മനിർഭരതയ്ക്കും കരുത്തേകുന്നു.
More like this
