യുഎഇയെ ലക്ഷ്യമിട്ട് ഇറാന്റെ ഡ്രോൺ ആക്രമണം; ശക്തമായി അപലപിച്ച് യുഎഇ
യുഎഇയെ ലക്ഷ്യമിട്ട് ഇറാന്റെ ഡ്രോൺ ആക്രമണം; ശക്തമായി അപലപിച്ച് യുഎഇ
അബുദാബി: യുഎഇയുടെ പ്രാദേശിക സമുദ്രപരിധിക്ക് മുകളിലൂടെ എത്തിയ ഇറാന്റെ ഡ്രോൺ വ്യോമ പ്രതിരോധ സംവിധാനം ഉപയോഗിച്ച് തടഞ്ഞ സംഭവത്തിൽ ശക്തമായ പ്രതിഷേധവുമായി യുഎഇ. ആക്രമണം ഗുരുതരമായ സംഘർഷ escalation ആണെന്നും അംഗീകരിക്കാനാകാത്ത ആക്രമണവും യുഎഇയുടെ സുരക്ഷയ്ക്കും സ്ഥിരതയ്ക്കും പരമാധികാരത്തിനും നേരെയുള്ള നേരിട്ടുള്ള ഭീഷണിയുമാണെന്നും യുഎഇ വിദേശകാര്യ മന്ത്രാലയം വ്യക്തമാക്കി.
അന്താരാഷ്ട്ര നിയമത്തിന്റെയും ഐക്യരാഷ്ട്രസഭാ ചാർട്ടറിന്റെയും തത്വങ്ങളുടെ ലംഘനമാണ് ഇത്തരം ആക്രമണങ്ങളെന്നും മന്ത്രാലയം ചൂണ്ടിക്കാട്ടി. രാജ്യത്തിന്റെ സുരക്ഷയ്ക്കും പരമാധികാരത്തിനുമെതിരായ ഒരു ഭീഷണിയും യുഎഇ അംഗീകരിക്കില്ലെന്നും ആക്രമണങ്ങൾക്ക് തിരിച്ചടി നൽകാനുള്ള അവകാശം യുഎഇയിൽ നിക്ഷിപ്തമാണെന്നും വിദേശകാര്യ മന്ത്രാലയം അറിയിച്ചു.
ആക്രമണങ്ങൾ ഉടൻ അവസാനിപ്പിക്കണമെന്നും എല്ലാ ശത്രുതാപരമായ നടപടികളും അവസാനിപ്പിക്കുന്നതിനുള്ള ധാരണകൾ പൂർണമായി പാലിക്കണമെന്നും യുഎഇ ആവശ്യപ്പെട്ടു.
അതേസമയം, ജോർദാനെതിരെ ഇറാൻ നടത്തിയ മിസൈൽ ആക്രമണങ്ങളെയും യുഎഇ ശക്തമായി അപലപിച്ചു. ജോർദാന്റെ സുരക്ഷയും സ്ഥിരതയും സംരക്ഷിക്കുന്നതിനുള്ള എല്ലാ നടപടികൾക്കും പൂർണ പിന്തുണയും ഐക്യദാർഢ്യവും യുഎഇ ആവർത്തിച്ചു.
ഗൾഫ് സഹകരണ കൗൺസിൽ (GCC) സെക്രട്ടറി ജനറൽ ജാസിം മുഹമ്മദ് അൽബുദൈവിയും ഇറാന്റെ ആക്രമണങ്ങളെ അപലപിച്ചു. ഇത്തരം ആക്രമണങ്ങളും ശത്രുതാപരമായ നടപടികളും ഉടൻ അവസാനിപ്പിക്കണമെന്ന് അദ്ദേഹം ഇറാനോട് ആവശ്യപ്പെട്ടു.
അതേസമയം, യുഎസും ഇറാനും തമ്മിൽ ഇന്ന് വീണ്ടും സൈനിക ആക്രമണങ്ങൾ ഉണ്ടായത് മേഖലയിൽ ഏകദേശം ഒരു മാസത്തിനിടയിലെ ഏറ്റവും വലിയ സംഘർഷ വർധനവായി. പുതിയ സംഭവവികാസങ്ങളുടെ പശ്ചാത്തലത്തിൽ അന്താരാഷ്ട്ര വിപണിയിൽ എണ്ണവിലയും ഉയർന്നു. ബ്രെന്റ് ക്രൂഡിന്റെയും യുഎസ് വെസ്റ്റ് ടെക്സസ് ഇന്റർമീഡിയറ്റ് (WTI) ക്രൂഡിന്റെയും വില ഏകദേശം മൂന്ന് ശതമാനം ഉയർന്നു.
More like this
