ഭവന വായ് ആളുകൾ പലപ്പോഴും അവരുടെ വായ്പ മുൻകൂട്ടി തിരിച്ചടക്കാൻ ശ്രമിക്കാറുണ്ട്. ഇപ്പോൾ പുതുവർഷം ആരംഭിച്ച സാഹചര്യത്തിൽ ഈ സാമ്പത്തിക വർഷം അവസാനിക്കാൻ പോകുന്നു. മാർച്ച് 31 നു മുൻപ് ഭവന വായ്പ മുൻകൂട്ടി അടച്ചാൽ നികുതിയിലോ, പലിശയിലോ പ്രത്യേകമായി ഇളവ് ലഭിക്കുമോ? വിദഗ്ധർ പറയുന്നത് മാർച്ച് 31 എന്ന തിയതി മാത്രം മുന്നിൽ കണ്ടുകൊണ്ട് ഇതിനായുള്ള ശ്രമങ്ങൾ നടത്തരുത് എന്നാണ്. വായ്പ മുൻ കൂട്ടി അടക്കുന്നുണ്ടെങ്കിൽ പല ഘടകങ്ങളും ശ്രദ്ധിക്കേണ്ടതുണ്ട്.വായ്പ മുൻകൂട്ടി അടക്കുന്നത് വഴി നടപ്പു സാമ്പത്തിക വർഷത്തെ പലിശ കുറയും എന്നാണ് കരുതുന്നത്. എന്നാൽ മുൻ കൂട്ടി അടക്കാൻ നിങ്ങൾ കരുതി വച്ച തുക വേറേതെങ്കിലും നിക്ഷേപ മാർഗങ്ങളിൽ വിനിയോഗിച്ചാൽ കൂടുതൽ റിട്ടേൺ ലഭിക്കുന്നു എന്നിരിക്കട്ടെ. ഇത്തരം സന്ദർഭങ്ങളിൽ രണ്ടാമത്തെ മാർഗം സ്വീകരിക്കുന്നതാണ് കൂടുതൽ ഉചിതം.മുൻകൂട്ടി അടക്കുന്നത് വഴി വായ്പ തുകയിൽ കുറയുകയും, അതുവഴി പലിശയും കുറയാൻ സഹായിക്കുന്നു. നികുതി ഇളവുകൾക്കും പ്രാപ്തരാക്കുന്നു.എങ്കിലും ആദ്യമായി ഒരു വ്യക്തി ചെയേണ്ടത് 6 -9 മാസ കാലയളവിലേക്ക് എമെർജെൻസി ഫണ്ട് കരുതുക എന്നതാണ്. ഇത് കഴിഞ്ഞുള്ള തുകയാണ് വായ്പയടക്കാനായി പരിഗണിക്കേണ്ടത്.ശേഷം നികുതി ഇളവുകൾക്ക് യോഗ്യമാണോ വിലയിരുത്താവുന്നതാണ്. സെക്ഷൻ 24 (ബി) പ്രകാരം ഭവനത്തിന്റെ വായ്പയ്ക്ക് നൽകുന്ന പലിശയ്ക്ക് പ്രതിവർഷം ₹2 ലക്ഷം വരെ നികുതി കിഴിവ് ക്ലെയിം ചെയ്യാം. കൂടാതെ മുതൽ തിരിച്ചടക്കുന്നതിനായി പ്രതിവർഷം ₹1.5 ലക്ഷം വരെയും ക്ലെയിം ചെയ്യാം. എന്നാൽ നികുതി കിഴിവ് വിനിയോഗിച്ചു കൊണ്ട് അധികമായി തുക തിരിച്ചടക്കുന്നത് കൊണ്ട് കൂടുതൽ ഇളവുകൾ ലഭിക്കുന്നില്ല.അതിനാൽ മുൻകൂട്ടി അടക്കാൻ ഉദ്ദേശിക്കുന്ന തുക നിക്ഷേപിക്കുന്നത് വഴി നിങ്ങൾക്ക് ലഭിക്കുന്ന റിട്ടേൺ അടക്കുന്ന വായ്പയെക്കാൾ കുറവാണു എങ്കിൽ മാത്രം തിരിച്ചടക്കുന്നതിനെ കുറിച്ച ചിന്തിക്കാവുന്നതാണ്. മാർച്ച് 31 നു മുൻപ് ഭവന വായ്പ തിരിച്ചടക്കുകയാണ് എങ്കിൽ ഈ സാമ്പത്തിക വർഷത്തെ കണക്കുകളിൽ തന്നെ ഇത് ഉൾപ്പെടുത്തും. ഇത് നിങ്ങളുടെ ഇനി അടക്കാനുള്ള തുക കുറക്കുന്നു. കൂടാതെ ഈ വർഷത്തെ പലിശ കുറക്കുന്നു. പലിശയിൽ ചെറിയ നേട്ടമുണ്ടാക്കാൻ സാധിച്ചേക്കാം. എന്നാൽ നികുതി അളവ് കൂടും എന്നത് പ്രതീക്ഷിച്ചു കൊണ്ട് തിരിച്ചടക്കേണ്ടതില്ല
