തൃശൂര്‍: കൊഴുക്കുള്ളിയില്‍ പ്രായപൂര്‍ത്തിയാകാത്ത കുട്ടി സ്‌കൂട്ടര്‍ ഓടിച്ചതിന് അമ്മയ്ക്ക് പിഴ. 25,000 രൂപ പിഴ അടച്ചില്ലെങ്കില്‍ അഞ്ച് ദിവസം തടവുശിക്ഷ അനുഭവിക്കണം. തൃശൂര്‍ ചീഫ് ജുഡീഷ്യല്‍ മജിസ്‌ട്രേറ്റിന്റേതാണ് വിധി. ജനുവരി 20നാണ് കേസിനാസ്പദമായ സംഭവം. കുട്ടി മൂന്നുപേരുമായി സ്‌കൂട്ടര്‍ ഓടിച്ചിരുന്നു. അച്ഛനെ കോടതി വെറുതെ വിട്ടു. കൊഴുക്കുള്ളി സ്വദേശിയായ കുട്ടിയാണ് സ്‌കൂട്ടര്‍ ഓടിച്ചത്. സ്‌കൂട്ടറിന്റെ ഉടമ അമ്മ ആയതിനാലാണ് പിഴ ശിക്ഷ അമ്മയ്ക്ക് മാത്രം ലഭിച്ചത്. സ്‌കൂട്ടര്‍ ഓടിച്ച കുട്ടി മാത്രമാണ് ഹെല്‍മറ്റ് ധരിച്ചത്. മറ്റുള്ളവര്‍ ഹെല്‍മറ്റ് ധരിച്ചിരുന്നില്ല.
