ബംഗളൂരു-ഹൈദരാബാദ് ദേശീയ പാതയില് ബസിന് തീപിടിച്ച് മരണ സംഖ്യ 32 പേരായി ഉയർന്നു. കുര്ണൂല് ജില്ലയിലെ ചിന്ന തെകുരു ഗ്രാമത്തില് വെള്ളിയാഴ്ച പുലര്ച്ചെ മൂന്നുമണിയോടെയായിരുന്നു ഞെട്ടിക്കുന്ന സംഭവം. കാവേരി ട്രാവല്സിന്റെ ബസിനാണ് തീപിടിച്ചത്. ബസ് ഒരു ബൈക്കില് ഇടിച്ചതിനെ തുടര്ന്നാണ് തീപിടിച്ചതെന്നാണ് വിവരം. 42 പേരാണ് ബസിനുള്ളിലുണ്ടായിരുന്നതെന്നും വിവരമുണ്ട്.
ഏതാനുംമിനിറ്റുകള്ക്കുള്ളില് വാഹനം പൂര്ണമായും കത്തിനശിച്ചു. പന്ത്രണ്ട് യാത്രക്കാര് എമര്ജെന്സി വിന്ഡോ വഴി രക്ഷപ്പെട്ടെന്നും മറ്റുള്ളവര് അകത്ത് കുടുങ്ങിക്കിടക്കുന്നുവെന്നുമാണ് വിവരം. രക്ഷാപ്രവര്ത്തനം പുരോഗമിക്കുകയാണ്. അഗ്നിശമനസേന സ്ഥലത്തുണ്ട്. മരണസംഖ്യ ഇനിയും ഉയരാണ് സാധ്യത. സംഭവത്തില് മുഖ്യമന്ത്രി എന് ചന്ദ്രബാബു നായിഡു അനുശോചനം അറിയിച്ചു
