ജമ്മു കാശ്മീർ നാർക്കോ ഭീകര ശൃംഖലകൾക്കെതിരെ നടപടി ശക്തമാക്കാൻ ലെഫ്റ്റനന്റ് ഗവർണർ നിർദേശം
ജമ്മു കാശ്മീർ നാർക്കോ ഭീകര ശൃംഖലകൾക്കെതിരെ നടപടി ശക്തമാക്കാൻ ലെഫ്റ്റനന്റ് ഗവർണർ നിർദേശം
ജമ്മു കശ്മീരിൽ ഭീകര ശൃംഖലകൾക്കെതിരെ സമ്മർദം ശക്തമായി തുടരണമെന്നും ഉയർന്നുവരുന്ന സുരക്ഷാ ഭീഷണികളെ നിർണായകമായി നേരിടുന്നതിനായി മേഖലാ നിയന്ത്രണ നടപടികൾ (Area Domination Operations) ശക്തമാക്കണമെന്നും ലെഫ്റ്റനന്റ് ഗവർണർ മനോജ് സിൻഹ നിർദേശിച്ചു.
ശ്രീനഗറിൽ ചേർന്ന ഉന്നതതല സുരക്ഷാ അവലോകന യോഗത്തിന് അധ്യക്ഷത വഹിക്കുകയായിരുന്നു അദ്ദേഹം. നാർക്കോ-ടെറർ ശൃംഖലകൾക്കെതിരായ നടപടികൾ ശക്തമാക്കാനും സൈബർ, സോഷ്യൽ മീഡിയ വഴിയുള്ള ഭീഷണികളുടെ നിരീക്ഷണം കൂടുതൽ കാര്യക്ഷമമാക്കാനും ഉദ്യോഗസ്ഥർക്ക് അദ്ദേഹം നിർദേശം നൽകി.
വിവിധ സുരക്ഷാ ഏജൻസികൾ തമ്മിലുള്ള ഏകോപനം കൂടുതൽ ശക്തമാക്കണമെന്നും പ്രവർത്തന ജാഗ്രത വർധിപ്പിക്കണമെന്നും പോലീസും പൊതുജനങ്ങളും തമ്മിലുള്ള ഇടപെടൽ കൂടുതൽ മെച്ചപ്പെടുത്തണമെന്നും ലെഫ്റ്റനന്റ് ഗവർണർ ആവശ്യപ്പെട്ടു.
കേന്ദ്രഭരണ പ്രദേശത്തെ മൊത്തത്തിലുള്ള സുരക്ഷാ സാഹചര്യം, ഭീകരവിരുദ്ധ നടപടികൾ, ക്രമസമാധാന നില, മയക്കുമരുന്ന് കടത്ത്, ഉയർന്നുവരുന്ന മറ്റ് സുരക്ഷാ വെല്ലുവിളികൾ എന്നിവ യോഗത്തിൽ വിശദമായി അവലോകനം ചെയ്തു.
More like this
