കണ്ണൂർ ജില്ലയിലെ വ്യവസായികളും വ്യാപാരികളും നേരിടുന്ന പ്രശ്നങ്ങൾ ഉയർത്തിക്കാട്ടുന്നതിനായി, നോർത്ത് മലബാർ ചേംബർ ഓഫ് കൊമേഴ്സ് ചേംബർ ഹാളിൽ വച്ച് കേരള വ്യവസായ വാണിജ്യ ഡയറക്ടർ . പി. വിഷ്ണുരാജ്, ഐഎഎസുമായി സംവേദനാത്മക സെഷൻ സംഘടിപ്പിച്ചു.
വ്യവസായികൾക്കും വ്യാപാരികൾക്കും അന്താരാഷ്ട്ര നിലവാരത്തിലേക്ക് ഉയരാൻ സഹായകമാകുന്ന തരത്തിൽ ലൈസൻസിംഗ് പ്രക്രിയകൾ ലളിതമാക്കുക, മാലിന്യ സംസ്കരണം, ജിഎസ്ടി ക്ലെയിമുകൾ, ഫുഡ് പാർക്ക് ലൈസൻസുകൾ അംഗീകാരങ്ങൾ എന്നിവക്ക് വകുപ്പുകൾ തമ്മിൽ ഏകോപനം ഇല്ലാത്തതുകൊണ്ട് കാലതാമസം നേരിടുന്നത് ഒഴിവാക്കുക, ക്ലസ്റ്റർ വികസനമായി ബന്ധപ്പെട്ട പ്രശ്നങ്ങൾ പരിഹരിക്കുക എന്നീ ആവശ്യങ്ങൾ ചർച്ചയിൽ ഉന്നയിക്കപ്പെട്ടു. പ്രശ്നങ്ങൾ പരിഹരിക്കുന്നതിന് ബന്ധപ്പെട്ട വകുപ്പുകൾക്ക് സർക്കുലർ നൽകുമെന്ന് ഡയറക്ടർ ഉറപ്പുനൽകി
നോർത്ത് മലബാർ ചേംബർ ഓഫ് കൊമേഴ്സ് വൈസ് പ്രസിഡണ്ട് ഹനീഷ് കെ വാണിയങ്കണ്ടി അധ്യക്ഷത വഹിച്ചു.ജോയിന്റ് സെക്രട്ടറി എ കെ റഫീഖ് സ്വാഗതവും , KSSIA ജനറൽ സെക്രട്ടറി ജോസഫ് പൈക്കട നന്ദിയും പറഞ്ഞു. ഓണറേറി സെക്രട്ടറി സി. അനിൽ കുമാർ, ട്രഷറർ കെ. നാരായണൻ കുട്ടി, മുൻ പ്രസിഡന്റുമാരായ കെ. വിനോദ് നാരായണൻ, ടി. കെ. രമേശ് കുമാർ, ഡയറക്ടർമാരായ ദിനേശ് ആലിംഗൽ, ടി. സന്തോഷ് കുമാർ, ഇ. കെ. അജിത് കുമാർ, കെ. കെ. പ്രദീപ്, വനിതാ വിഭാഗം ചെയർപേഴ്സൺ നിത ദീപക്, വിവിധ വ്യാവസായിക മേഖലകളെ പ്രതിനിധീകരിച്ച് നിരവധി അംഗങ്ങൾ എന്നിവർ സംവേദനാത്മക സെഷനിൽ പങ്കെടുത്തു.
