തളിപ്പറമ്പ്: ദേശാഭിമാനി കണ്ണൂര്‍ യൂണിറ്റിലെ സീനിയര്‍ സബ് എഡിറ്റര്‍ എം.രാജീവന്‍ (53) നിര്യാതനായി. കരള്‍ രോഗത്തെ തുടര്‍ന്ന് ദീര്‍ഘകാലമായി ചികിത്സയിലായിരുന്നു. തടിക്കടവ് സ്വദേശിയായ രാജീവന്‍ ദേശാഭിമാനിയുടെ തളിപ്പറമ്പ്, ആലക്കോട് ഏരിയ ലേഖകനായാണ് പത്രപ്രവര്‍ത്തനം തുടങ്ങിയത്. 2006-ല്‍ സബ് എഡിറ്റര്‍ ട്രെയിനിയായി ജോലിയില്‍ പ്രവേശിച്ചു. കൊച്ചി, കോഴിക്കോട്, കണ്ണൂര്‍ യൂണിറ്റുകളില്‍ പ്രവര്‍ത്തിച്ചു. തളിപ്പറമ്പ് മാന്തംകുണ്ടിലാണ് താമസം. ഭാര്യ:പി.എന്‍.സുലേഖ (സെക്രട്ടറി, തളിപ്പറമ്പ് കോ-ഓപ്പറേറ്റീവ് എഡ്യുക്കേഷന്‍ സൊസൈറ്റി), മക്കള്‍: ശ്രീരാജ്, ശ്യാംരാജ്.
