നെല്ലുസംഭരണം: കേന്ദ്രവിഹിതമായ 209 കോടി അനുവദിച്ചു; കർഷകർക്ക് ആശ്വാസമെന്ന് മന്ത്രി അനൂപ് ജേക്കബ്
തിരുവനന്തപുരം: സംസ്ഥാനത്തെ നെൽകർഷകർക്ക് ആശ്വാസമായി കേന്ദ്ര സർക്കാരിന്റെ താങ്ങുവില വിഹിതത്തിൽ നിന്ന് 209 കോടി രൂപ അനുവദിച്ചതായി ഭക്ഷ്യമന്ത്രി അനൂപ് ജേക്കബ് വ്യക്തമാക്കി. തുക ഇന്നുതന്നെ റിലീസ് ചെയ്യുമെന്ന് കേന്ദ്രത്തിൽ നിന്ന് ഉറപ്പു ലഭിച്ചിട്ടുണ്ട്. ഇതോടെ സംസ്ഥാനത്തെ മുഴുവൻ കർഷകർക്കും നെല്ലിന്റെ വില പൂർണ്ണമായി നൽകാൻ സാധിക്കും.
രണ്ടാംവിള നെല്ലെടുപ്പിൽ സംസ്ഥാന സർക്കാർ നൽകേണ്ട പ്രോത്സാഹന വിഹിതം നേരത്തെ തന്നെ സപ്ലൈകോയ്ക്ക് കൈമാറിയിരുന്നു. ഈ തുക ഉപയോഗിച്ചാണ് നിലവിൽ കർഷകർക്ക് പണം വിതരണം ചെയ്യുന്നത്. ഇതിനുപുറമേയാണ് ഇപ്പോൾ കേന്ദ്ര വിഹിതം കൂടി ലഭ്യമായിരിക്കുന്നത്.
ഡൽഹിയിലെത്തി കേന്ദ്ര ഭക്ഷ്യമന്ത്രിയെ നേരിൽ കണ്ട് നിവേദനം നൽകിയതും നിരന്തരം കത്തുകൾ മുഖേന സമ്മർദ്ദം ചെലുത്തിയതുമാണ് തുക വേഗത്തിൽ ലഭ്യമാക്കാൻ സഹായിച്ചതെന്ന് മന്ത്രി പറഞ്ഞു. കർഷകർക്ക് നൽകിയ ഉറപ്പുപാലിക്കാൻ അവധി ദിവസങ്ങളിൽ പോലും അവരുടെ ബാങ്ക് അക്കൗണ്ടുകളിലേക്ക് പണം നേരിട്ടെത്തിക്കുന്നുണ്ടെന്നും അദ്ദേഹം കൂട്ടിച്ചേർത്തു.
More like this
