തിരുവനന്തപുരം: പിഎം ശ്രീ പദ്ധതി സംസ്ഥാനത്ത് നടപ്പാക്കുമെന്നും ഈ വിഷയത്തിൽ നിലപാടിൽ മാറ്റമില്ലെന്നും സി.പി.എം സംസ്ഥാന സെക്രട്ടറി എം.വി.ഗോവിന്ദൻ; സി.പി.ഐയുമായി ചർച്ച ചെയ്ത് പ്രശ്നങ്ങൾ പരിഹരിക്കും. അർഹതപ്പെട്ട പണം കേരളത്തിന് കിട്ടണം; കേന്ദ്ര സർക്കാർ മുന്നോട്ട് വയ്ക്കുന്ന പുതിയ നിബന്ധനകളെയാണ് കേരളം എതിർക്കുന്നത്. ഞങ്ങൾക്ക് കിട്ടേണ്ട ഫണ്ടാണ് പ്രശ്നം. അതെങ്ങനെയെങ്കിലും നേടിയെടുക്കും. അദ്ദേഹം പറഞ്ഞു. എ.കെ.ജി സെന്ററിൽ മാധ്യമ പ്രവർത്തകരോട് സംസാരിക്കുകയായിരുന്നു അദ്ദേഹം.
