സഞ്ചാർ സാഥി ആപ്പ് എല്ലാ മൊബൈൽ ഫോണുകളിലും മുൻകൂട്ടി ഇൻസ്റ്റാൾ ചെയ്യാനുള്ള കേന്ദ്രത്തിൻ്റെ നിർദ്ദേശത്തെ തുടർന്നുണ്ടായ വലിയ പ്രതിഷേധങ്ങൾക്കും നിരീക്ഷണ ഭയങ്ങൾക്കുമിടെ വിശദീകരണവുമായി കേന്ദ്രമന്ത്രി ജ്യോതിരാദിത്യ സിന്ധ്യ.സഞ്ചാർ സാഥി ആപ്പ് ഉപയോഗിക്കുന്നത് പൂർണ്ണമായും ഉപയോക്താവിൻ്റെ ഇഷ്ടപ്രകാരമുള്ള ഓപ്ഷണൽ കാര്യമാണെന്നും നിർബന്ധമില്ലെന്നും കേന്ദ്രമന്ത്രി ചൊവ്വാഴ്ച വ്യക്തമാക്കി. ആപ്പ് സജീവമാക്കുന്നത് നിങ്ങൾക്ക് ഇഷ്ടമുണ്ടെങ്കിൽ ചെയ്യാം; ഇല്ലെങ്കിൽ സജീവമാക്കേണ്ടതില്ല. നിങ്ങൾക്ക് സഞ്ചാർ സാഥി ആവശ്യമില്ലെങ്കിൽ അത് ഡിലീറ്റ് ചെയ്യാം. ഇത് ഓപ്ഷണലാണ്,” സിന്ധ്യ പറഞ്ഞു.
സർക്കാർ വികസിപ്പിച്ച ഈ സൈബർ സുരക്ഷാ ആപ്പിൽ ചാരവൃത്തി നടത്തുകയോ കോളുകൾ നിരീക്ഷിക്കുകയോ ചെയ്യുന്നില്ലെന്നും സിന്ധ്യ അടിവരയിട്ട് പറഞ്ഞു.
സൈബർ തട്ടിപ്പ് തടയുന്നതിനായി രൂപകൽപ്പന ചെയ്ത ഒരു ഉപകരണത്തിലേക്ക് കൂടുതൽ പ്രവേശനം ഉറപ്പാക്കുക എന്നതാണ് ഈ നിർദ്ദേശത്തിന് പിന്നിലെ ലക്ഷ്യമെന്ന് സിന്ധ്യ ഊന്നിപ്പറഞ്ഞു.
എല്ലാ സ്മാർട്ട്ഫോൺ നിർമ്മാതാക്കളും പുതിയ മൊബൈൽ ഉപകരണങ്ങളിൽ സഞ്ചാർ സാത്തി മുൻകൂട്ടി ഇൻസ്റ്റാൾ ചെയ്യണമെന്ന് ടെലികമ്മ്യൂണിക്കേഷൻ വകുപ്പ് (ഡിഒടി) ഉത്തരവിട്ടതിന് ഒരു ദിവസത്തിന് ശേഷമാണ് മന്ത്രിയുടെ വിശദീകരണം. ഇതിനകം ഉപയോഗിക്കുന്ന ഉപകരണങ്ങൾക്ക് ഒരു സോഫ്റ്റ്വെയർ അപ്ഡേറ്റ് വഴി ആപ്പ് ലഭിക്കും.
ഈ ഉത്തരവ് സ്മാർട്ട്ഫോൺ നിർമ്മാതാക്കളുമായി സംഘർഷം സൃഷ്ടിക്കുക മാത്രമല്ല, ഡാറ്റ ശേഖരണത്തെയും ഉപയോക്തൃ സമ്മതത്തെയും ചൊല്ലി ഒരു രാഷ്ട്രീയ തർക്കത്തിനും കാരണമായി
