ഛത്തീസ്ഗഡില് അറസ്റ്റിലായ കന്യാസ്ത്രീകളുടെ ജാമ്യാപേക്ഷ ഇന്ന് നല്കില്ല. കേസിന്റെ വിശദാംശങ്ങള് ലഭിച്ച ശേഷം അപേക്ഷ നല്കും. പെണ്കുട്ടികളുടെ മൊഴി നിര്ണായകം.കന്യാസ്ത്രീകളുടെ ഒപ്പമുണ്ടായിരുന്ന യുവതികളുടെ മാതാപിതാക്കളെയും ആര്പിഎഫ് ചോദ്യം ചെയ്യും.
കോടതി റിമാന്ഡ് ചെയ്ത കന്യാസ്ത്രീകള് നിലവില് ദുര്ഗ് ജില്ലാ ജയിലില് തുടരുകയാണ്. മനുഷ്യക്കടത്തും മതപരിവര്ത്തനവുമാണ് ഇരുവര്ക്കുമെതിരെ ചുമത്തിയിരിക്കുന്ന വകുപ്പുകള്. ഛത്തീസ്ഗഡില് ഇവ രണ്ടും ജാമ്യം ലഭിക്കാത്ത വകുപ്പുകളാണ്. അതിനാല് കോടതിയുടെ നിലപാട് കന്യാസ്ത്രീകളെ സംബന്ധിച്ച് നിര്ണ്ണായകമാണ്.
അതേസമയം കന്യാസ്ത്രീകളെ അറസ്റ്റ് ചെയ്ത സംഭവത്തില് ഗുരുതര വകുപ്പുകള് ചുമത്തിയാണ് കേസെടുത്തത്. എഫ്ഐ പ്രകാരം കേസില് സിസ്റ്റര് പ്രീതിയാണ് ഒന്നാം പ്രതി. രണ്ടാം പ്രതിയായി സിസ്റ്റര് വന്ദനയെയാണ് ഉള്പ്പെടുത്തിയത്. നിര്ബന്ധിത മതപരിവര്ത്തനം, മനുഷ്യക്കടുത്ത് എന്നീ കുറ്റങ്ങള് ചുമത്തിയതായാണ് എഫ്ഐആറില് പറയുന്നത്. 10 വര്ഷം വരെ തടവ് ലഭിക്കാവുന്ന കുറ്റമാണിത്.
ശനിയാഴ്ചയാണ് ഛത്തീസ്ഗഡിലെ ദുര്ഗില് മനുഷ്യക്കടത്ത് ആരോപിച്ച് രണ്ട് മലയാളി കന്യാസ്ത്രീകളെ റെയില്വെ പൊലീസ് അറസ്റ്റ് ചെയ്തത്. കണ്ണൂര് തലശ്ശേരി ഉദയഗിരി ഇടവകയില് നിന്നുള്ള സിസ്റ്റര് വന്ദന ഫ്രാന്സിസ്, അങ്കമാലി എളവൂര് ഇടവക സിസ്റ്റര് പ്രീതി മേരി എന്നിവരാണ് അറസ്റ്റിലായത്.
