വെറും 3 മാസം കൊണ്ട് നിക്ഷേപകരുടെ പണം ഇരട്ടിയിലധികം വര്ധിപ്പിച്ച ഒരു അത്ഭുത ഓഹരിയെ പറ്റിയാണ് ഇന്ന് പറയുന്നത്. ‘സെമിന്ത്യ പ്രോജക്റ്റ്സ്’ എന്ന ഓഹരിയെ പറ്റി നിങ്ങള്ക്ക് അറിയാമോ? റെക്കോര്ഡ് ഓര്ഡറുകളുമായി വിപണി ഭരിക്കുന്ന ഒരു ഇന്ഫ്രാസ്ട്രക്ചര് ഓഹരിയാണിത്. പല നിക്ഷേപകരുടെയും പ്രിയപ്പെട്ട മള്ട്ടിബാഗര് എന്നു വിശേഷിപ്പിക്കുന്നതിലും തെറ്റില്ല. കഴിഞ്ഞ കുറച്ചുകാലമായി നിക്ഷേപകര്ക്ക് വലിയ ലാഭം നല്കുന്ന ഈ ഇന്ഫ്രാസ്ട്രക്ചര് രംഗത്തെ പ്രമുഖ കമ്പനിയില് ഇനി നിക്ഷേപ അവസരമുണ്ടോ എന്നതാണ് ചോദ്യം.
ഓഹരിയിലെ കുതിപ്പിനുള്ള കാരണങ്ങള്
കേന്ദ്ര ബജറ്റില് ഇന്ഫ്രാസ്ട്രക്ചര് മേഖലയ്ക്ക് സര്ക്കാര് നല്കിയ പ്രാധാന്യവും, നല്കിയ റെക്കോര്ഡ് മൂലധന നിക്ഷേപവും കമ്പനിക്ക് പുതിയ പ്രോജക്റ്റുകള് ലഭിക്കാന് കാരണമായി. മാരിടൈം (തുറമുഖങ്ങള്), മെട്രോ റെയില്, എയര്പോര്ട്ടുകള്, ഡാറ്റാ സെന്ററുകള് തുടങ്ങിയ പ്രധാന മേഖലകളില് വൈവിധ്യമായ കരാറുകള് കമ്പനി സ്വന്തമാക്കിയിട്ടുണ്ട്.
ഓഹരിയുടെ പ്രാധാന്യമെന്ത്?
ഓഹരിയുടെ മള്ട്ടിബാഗര് ചരിത്രം
ഓഹരി ഗുണങ്ങളും, ദോഷങ്ങളും
ദോഷങ്ങളിലേയ്ക്ക് വരുമ്പോള് ഹ്രസ്വകാലയളവില് ഓഹരി വിലയില് വലിയ രീതിയിലുള്ള കയറ്റിറക്കങ്ങള് കാണുന്നുവെന്നതു തന്നെയാണ് പ്രാധാന നെഗറ്റീവ്. ഇന്ഫ്രാസ്ട്രക്ചര് മേഖലയിലെ പുതിയ കമ്പനികളില് നിന്നുള്ള മത്സരം ലാഭവിഹിതത്തെ ബാധിക്കാനുള്ള സാധ്യതയുണ്ട്. പ്രൊജക്റ്റുകള് പൂര്ത്തിയാക്കാന് എടുക്കുന്ന കാലതാമസവും, അസംസ്കൃത വസ്തുക്കളുടെ വിലക്കയറ്റവും വെല്ലുവിളിയാണ്.
നിക്ഷേപകര് ശ്രദ്ധിക്കേണ്ട കാര്യങ്ങള്
നിക്ഷേപകര് ഒന്നിച്ച് വലിയ തുക നിക്ഷേപിക്കുന്നതിന് പകരം വിപണിയിലെ തിരുത്തലുകളില് അവസരം ഉപയോഗപ്പെടുത്തുന്നതാകും നല്ലത്. കമ്പനിയുടെ ഓരോ 3 മാസത്തെയും സാമ്പത്തിക ഫലങ്ങളും, പുതിയ ഓര്ഡറുകളും നിരീക്ഷിച്ച ശേഷം മാത്രം ദീര്ഘകാല നിക്ഷേപ തീരുമാനങ്ങള് എടുക്കുക.
സെംഇന്ത്യ: ഒറ്റനോട്ടത്തില്
- നിലവിലെ ഓഹരി വില: 1,380 രൂപ
- നിലവിലെ വിപണിമൂല്യം: 23,878 കോടി
- 52 വീക്ക് ഹൈ/ ലോ: 1,380 രൂപ/ 481 രൂപ
- സ്റ്റോക്ക് പിഇ: 40.6
- ബുക്ക്വാല്യൂ: 140 രൂപ
- ഡിവിഡന്റ്: 0.22%
- ആര്ഒസിഇ: 32.8%
- ആര്ഒഇ: 27.8%
- മുഖവില: 1 രൂപ
