സ്നാപ്ഡ്രാഗൺ 4 ജെൻ 4 പ്രോസസറിന്റെ കരുത്തിൽ പ്രവർത്തിക്കുന്ന ഹോണർ എക്സ്7ഇ പ്ലസ് 5ജി സ്മാർട്ട്ഫോൺ തിരഞ്ഞെടുത്ത ആഗോള വിപണികളിൽ അവതരിപ്പിച്ചു. 45 വാട്ട് ഫാസ്റ്റ് ചാർജിങ് പിന്തുണയുള്ള 8,100 എം.എ.എച്ച്. ബാറ്ററിയാണ് ഈ ഫോണിന്റെ പ്രധാന ആ ആകർഷണം. ആൻഡ്രോയിഡ് 16 അടിസ്ഥാനമാക്കിയുള്ള മാജിക് ഒ.എസ്. 10-ൽ പ്രവർത്തിക്കുന്ന ഫോണിൽ 120 ഹെർട്സ് റിഫ്രഷ് റേറ്റും 1,020 നിറ്റ്സ് തെളിച്ചവുമുള്ള 6.87 ഇഞ്ച് എച്ച്.ഡി. പ്ലസ് ടി.എഫ്.ടി. എൽ.സി.ഡി. ഡിസ്പ്ലേയാണുള്ളത്. 8 ജി.ബി. വരെ റാമും 256 ജി.ബി. വരെ സ്റ്റോറേജും ഇതിൽ ലഭ്യമാണ്.
വശത്ത് നൽകിയിരിക്കുന്ന പ്രത്യേക എഐ ബട്ടൺ വഴി സർക്കിൾ ടു സെർച്ച്, എ.ഐ. ഇറേസർ, എ.ഐ. സമ്മറി, എ.ഐ. മെമ്മറി തുടങ്ങിയ സവിശേഷതകളും ആപ്പുകളും എളുപ്പത്തിൽ ഉപയോഗിക്കാം. 50 മെഗാപിക്സൽ വീതമുള്ള പ്രധാന പിൻ ക്യാമറയും മുൻ ക്യാമറയും ഇതിലുണ്ട്. ഐ.പി.68, ഐ.പി.69, ഐ.പി.69കെ സുരക്ഷാ നിലവാരവും സൈഡ് ഫിംഗർപ്രിന്റ് സെൻസറും 5ജി, എൻ.എഫ്.സി., ടൈപ്പ്-സി ഉൾപ്പെടെയുള്ള കണക്ടിവിറ്റി സൗകര്യങ്ങളും ഫോൺ വാഗ്ദാനം ചെയ്യുന്നു. ഡെസർട്ട് ഗോൾഡ്, വെൽവെറ്റ് ബ്ലാക്ക്, മീറ്റിയർ സിൽവർ നിറങ്ങളിൽ ഖത്തറിൽ വിൽപ്പനയ്ക്കെത്തിയ ഫോണിന് 999 ഖത്തർ റിയാൽ (ഏകദേശം 26,000 രൂപ), 1,099 ഖത്തർ റിയാൽ (ഏകദേശം 29,000 രൂപ) എന്നിങ്ങനെയാണ് വില. അതേസമയം ഇന്ത്യയിലെ അവതരണ തീയതി ഹോണർ ഇതുവരെ പ്രഖ്യാപിച്ചിട്ടില്ല.
