നമ്മുടെ വീട്ടിലെ ഒരു അം?ഗത്തെ പോലെയാണ് പാറ്റ പല വീടുകളിലും താമസിക്കുന്നത്. അടുക്കളയിലും കുളിമുറിയിലും ഒക്കെയായിരിക്കും ഇവയുടെ പ്രധാന താവളങ്ങൾ. പാറ്റകൾ മൂലമുണ്ടാവുന്ന രോഗങ്ങളും അനേകമാണ്. പഠിച്ചപണി പതിനെട്ടും നോക്കിയിട്ടും ഇവയുടെ ശല്യം കുറയാറില്ല. പാറ്റയെ തുരത്താൻ പല തരത്തിലുള്ള കെമിക്കലുകൾ ഇന്ന് ലഭ്യമാണ്. സ്പ്രേ ആയും ഗുളികകളായുമെല്ലാം ഇവ മാർക്കറ്റിൽ കിട്ടും. ഇവയ്ക്ക് ഗുണമുള്ളതുപോലെ തന്നെ ഒട്ടേറെ ദോഷഫലങ്ങളുമുണ്ട്. അതുകൊണ്ട് പാറ്റ ശല്യത്തിന് ഇനി അടിപൊളി പ്രതിവിധി വീട്ടിൽ തന്നെ തയ്യാറാക്കിയാലോ?
പുതിന
പുതിനയുടെ രൂക്ഷഗന്ധം പാറ്റകളെ ഓടിക്കും. നല്ല ഫ്രഷ് പുതിനയിലകൾ ഒരു തുണിസഞ്ചിയിൽ കെട്ടി അടുക്കളയിൽ വയ്ക്കുക. ഇത് പാറ്റകളെ അടിപ്പിക്കില്ല.
സിട്രസ് പഴങ്ങൾ
ഓറഞ്ച്, നാരങ്ങ തുടങ്ങിയ സിട്രസ് പഴങ്ങളുടെ മണം പാറ്റകൾക്ക് അത്ര പിടിക്കില്ല. ഇത് പഠനങ്ങൾ തെളിയിച്ചിട്ടുണ്ട്. വീട്ടിലെ വിള്ളലുകൾ, ദ്വാരങ്ങൾ, അടുക്കള സിങ്ക് തുടങ്ങിയ ഭാഗങ്ങളിൽ ഇവയുടെ തൊലി സൂക്ഷിക്കുന്നത് പാറ്റകളെ തുരത്തും.
വെളുത്തുള്ളി
വെളുത്തുള്ളിയുടെ രൂക്ഷഗന്ധം പാറ്റകളെ ഓടിക്കും. വെളുത്തുള്ളിയുടെ എസൻഷ്യൽ ഓയിലിൽ കാണപ്പെടുന്ന എ. സാറ്റിവം സംയുക്തം 96.75% ഫലപ്രാപ്തിയോടെ പാറ്റകളുടെ മുട്ടകൾ നശിപ്പിക്കാൻ സഹായിക്കുന്നു.
തുളസി
ആൻറി ബാക്ടീരിയൽ, ആൻറി വൈറൽ ഗുണങ്ങൾ നിറഞ്ഞ, തുളസി എല്ലാത്തരം പ്രാണികളെയും അകറ്റി നിർത്താൻ സഹായിക്കുന്ന ഒരു ഗന്ധം പുറപ്പെടുവിക്കുന്നു, പാറ്റകൾക്ക് മാത്രമല്ല കൊതുകുകൾ, ഈച്ചകൾ, മൂട്ട എന്നിങ്ങനെയുള്ള എല്ലാത്തിനെയും തുരത്താൻ കാലങ്ങളായി നമ്മൾ തുളസിയില ഉപയോഗിക്കാറുണ്ട്.
ഇവ കൂടാതെ, പൈൻ, ലാവണ്ടർ, പെപ്പർമിന്റ്, യൂക്കാലിപ്റ്റസ്, ടീ ട്രീ ഓയിൽ, ബേ ഇലകൾ, കറുവപ്പട്ട, റോസ്മേരി, ഒറിഗാനോ മുതലായവയുടെ ഗന്ധവും പാറ്റകൾക്ക് അരോചകമാണ്. ഇവയുടെ എസൻഷ്യൽ ഓയിലുകൾ വാങ്ങിച്ച് നേർപ്പിച്ച് സ്പ്രേ ആയി പാറ്റകൾ വരുന്ന ഇടങ്ങളിൽ തളിക്കാം.
യൂക്കാലി തേച്ചുപിടിപ്പിക്കുന്നത് ഈച്ച ശല്യം ഒഴിവാക്കാനും സഹായിക്കും. യൂക്കാലിക്ക് പകരം പുൽതൈലം ഉപയോഗിക്കുന്നതും ഈച്ചകളെ തുരത്താൻ ഉപയോഗിക്കാം.
