കോഴിത്തരം ഇല്ലാത്തവർ ഇവിടെ ആരുണ്ട് എന്നും സെക്സ് ചെയ്യാൻ തയ്യാറാവുന്ന സ്ത്രീകൾ ചിലപ്പോൾ ഗർഭിണിയാവുമെന്നും അവർക്ക് അത് വേണ്ടെങ്കിൽ ആരുടേയും സമ്മതം കൂടാതെ അവർക്കത് അബോർട്ട് ചെയ്യാൻ സ്വാതന്ത്ര്യമുണ്ടെന്നും പിന്നെന്തിനാണ് ഇപ്പോഴത്തെ ഈ കോലാഹലങ്ങളെന്നും ചോദിക്കുകയാണ് മലയാളം സർവ്വകലാശാല അസോസിയേറ്റ് പ്രൊഫസർ മല്ലിക എംജി ഫേസ് ബുക്ക് കുറിപ്പിലൂടെ… കുറിപ്പിന്റെ പൂർണരൂപം ഇങ്ങനെയാണ്…
ഇന്ത്യ ഒരു മതേതര ജനാധിപത്യ രാജ്യം എന്ന നിലയിൽ നിന്ന് ഒരു ഏകാധിപത്യത്തിലേക്ക് ബഹുദൂരം സഞ്ചരിച്ച് അതിനെ തിരിച്ചു പിടിക്കാൻ വേണ്ടി ഒരു രാഹുൽ എന്ന മനുഷ്യൻ രാപ്പകൽ പ്രവർത്തിച്ചു കൊണ്ടിരിക്കുമ്പോൾ ഇവിടെ ഈ കേരളത്തിൽ രാഹുൽ എന്ന മറ്റൊരു യുവാവിന്റെ സ്വകാര്യ ബന്ധങ്ങൾ ചികഞ്ഞിട്ട് ചർച്ച ചെയ്യുകയാണ് കേരളം. എന്ത് അസഭ്യമാണ് ഇതെന്ന് ചോദിക്കാതെ വയ്യ. ഒരാൾ അയാളുടെ ലൈംഗികാഭിരുചിക്കനുസൃതമായി തന്റെ കൂടെ കിടക്കാൻ ആളുകളെ ക്ഷണിക്കുന്നത് തെറ്റാണ് എന്ന് ഇന്ത്യൻ ഭരണ ഘടന പറയുന്നുണ്ടോ ?
മറ്റൊരാളുമായുള രഹസ്യ സംഭാഷണം റെകോഡ് ചെയ്ത് പുറത്തുവിട്ട് ഒരാളെ മാത്രം തെറ്റുകാരാക്കുന്നത് ഭരണ ഘടനാനുസൃതമാണോ?
1995 ൽ ഞാർ സി.ഡി എസിൽ പഠിക്കുമ്പോൾ ഉഗാണ്ടക്കാരനായ ഒരു ഇബ്രാഹിമ എന്നോട് കൂടെ കിടക്കാനും സെക്സ് ചെയ്യാനും താല്പര്യമുണ്ടോ എന്ന് ചോദിച്ചിരുന്നു. എനിക്ക് താല്പര്യമുണ്ടായിരുനില്ല അതുകൊണ്ട് ഇല്ല എന്ന് പറഞ്ഞു. അതിനു ശേഷവും ഞങ്ങൾ നല്ല സുഹൃത്തുക്കളായിരുന്നു.
സെക്സ് ചെയ്യാൻ തയ്യാറാവുന്ന സ്ത്രീകൾ ചിലപ്പോൾ ഗർഭിണിയാവും. അതിനുള്ള സാധ്യത ഉണ്ട്. അത് അതിനു മുൻപ് ശ്രദ്ധിക്കേണ്ടതാണ്. കുട്ടിയെ ഉണ്ടാക്കാൻ അല്ലാതെയാണ് സെക്സ് ചെയ്യുന്നത് എങ്കിൽ കുട്ടി ആയാൽ അതിനെ അബോർട്ട് ചെയ്യാൻ നമ്മുടെ ഭരണഘടന അനുവദിക്കുന്നുണ്ട്. അത് വിവാഹത്തിലാണെങ്കിലും അല്ലെങ്കിലും .
കുട്ടിയുടെ അമ്മക്ക് സ്വയം തീരുമാനിക്കാമെങ്കിലും പുരുഷന് അവന്റെ ആശങ്ക പങ്കുവക്കാൻ കഴിയില്ല എന്ന് ആർക്ക് പറയാൻ പറ്റും?
നിയമപരമായി ആരെയെങ്കിലും നിർബന്ധിച്ച് സെക്സ് ചെയ്തിട്ടുണ്ടെന്റിൽ അവർ തെളിവ് വച്ച് കേസിനു പോകണം. പിന്നെ കോഴിത്തരം ഇവിടെ ആരാ അങ്ങനെ അല്ലാതെ ഉള്ളത്?
ഞാൻ രണ്ടു വട്ടം അബോർട്ട് ചെയ്ത ആളാണ്. അത് എനിക്ക് താല്പര്യമുണ്ടായി ഗർഭിണി ആയതല്ല അബോർട്ടും ആക്കിയല്ല. ഭർത്താവിന്റെ ലൈംഗിക തൃപ്തിക്ക് വഴങ്ങി തന്നെ അബോർട്ട് ആക്കേണ്ടി വന്നതാണ്. അതും അടുത്തടുത്ത മാസങ്ങളിൽ.
സെക്സിൽ ഏർപ്പെടാൻ ധൈര്യം ഉള്ള ഒരു സ്ത്രീക്ക് അത് മാനേജ് ചെയ്യാനും കഴിയും. സ്വകാര്യ സംഭാഷണം റെക്കോഡ് ചെയ്യാനും ഒറ്റക്ക് പ്രസവിച്ച് വളർത്താനും കഴിവുള്ള സ്ത്രീയെ അങ്ങനെ ഇര വൽകരിക്കണ്ട .
പിന്നെ സെക്സ് പുരുഷൻ മാത്രം സുഖമനുഭവിക്കുന്ന ഒന്നാണ് എന്നും സ്ത്രീ ഒരു ഉപഭോഗ വസ്തുവാണ് എന്നതൊക്കെ പഴയ കാലത്ത്. ഇന്ന് സ്ത്രീകളും അതൊക്കെ സന്തോഷപൂർവ്വം ആസ്വദിക്കുന്നുണ്ട്. എല്ലാ സ്ത്രീകളും എല്ലാ കാലവും ഇരകളല്ല… പുരുഷൻ വേട്ടക്കാരനും.
എനിക്ക് താല്പര്യം തോന്നുന്ന ആളിന്റെ കൂടെ സെക്സ് ചെയ്യാൻ അനുവാദം ചോദിക്കൽ തെറ്റാണ് എന്ന് എനിക്ക് തോനുന്നില്ല. വേണ്ടെങ്കിൽ വേണ്ടന്ന് പറയുക. വേണമെങ്കിൽ വേണമെന്ന് പറയുക. പരസ്പരം മാന്യത പുലർത്തുക.
ഇത് ആരെയും വെളുപ്പിക്കാനല്ല. ഇത്രമാത്രം ചർച്ച ചെയ്യേണ്ട ഒന്നല്ല ഇക്കാര്യം എന്ന് സൂചിപ്പിക്കാൻ മാത്രം.
