തിരഞ്ഞെടുപ്പ് പ്രഖ്യാപനത്തോടെ സ്ഥാനാർത്ഥികളെ പ്രഖ്യാപിക്കാനുള്ള തിരക്കിട്ട നീക്കത്തിലാണ് മുന്നണികൾ. അടുത്തിടെ എൻഡിഎയിൽ ചേർന്ന ട്വന്റി20യും ഇപ്പോൾ തങ്ങളുടെ സ്ഥാനാർത്ഥികളെ നിശ്ചയിക്കുകയാണ്.
ഏപ്രിൽ 9 ന് നടക്കുന്ന നിയമസഭാ തെരഞ്ഞെടുപ്പിനുള്ള മൂന്ന് സ്ഥാനാർത്ഥികളെയാണ് തിങ്കളാഴ്ച പ്രഖ്യാപിച്ചത്. കിഴക്കമ്പലം ആസ്ഥാനമായുള്ള കിറ്റെക്സ് ടെക്സ്റ്റൈൽ കമ്പനിയുമായി ബന്ധപ്പെട്ട ട്വന്റി20 അടുത്തിടെ എൻഡിഎയിൽ ചേർന്നു. പാർട്ടി പ്രസിഡന്റും കിറ്റെക്സ് ഗ്രൂപ്പ് ചെയർമാൻകൂടിയാ സാബു എം ജേക്കബ് തൃക്കാക്കര, തിരുവമ്പാടി, തൃക്കരിപ്പൂർ മണ്ഡലങ്ങളിലെ സ്ഥാനാർത്ഥികളെ പ്രഖ്യാപിച്ചു
ചലച്ചിത്ര സംവിധായകനും സോഷ്യൽ മീഡിയ സ്വാധീനമുള്ളയാളുമായ അഖിൽ മാരാർ തൃക്കാക്കര മണ്ഡലത്തിൽ നിന്ന് മത്സരിക്കും. സണ്ണി തോമസ് കോഴിക്കോട് ജില്ലയിലെ തിരുവമ്പാടിയിലും രവി കുളങ്ങര കാസർകോട് ജില്ലയിലെ തൃക്കരിപ്പൂരിലും മത്സരിക്കും. കുന്നത്തുനാട് സീറ്റിൽ മുൻ കോൺഗ്രസ് നേതാവ് ബാബു ദിവാകരനെ ട്വന്റി20 നേരത്തെ പ്രഖ്യാപിച്ചിരുന്നു.
കൂടുതൽ നിയമസഭാ സീറ്റുകളിൽ ട്വന്റി20 മത്സരിക്കും, മറ്റ് സ്ഥാനാർത്ഥികളുടെ പ്രഖ്യാപനം വരും ദിവസങ്ങളിൽ ഉണ്ടാകും.
