ന്യൂഡൽഹി: പ്രതിപക്ഷ പാർട്ടികളും സി.ജെ.പിയും നടത്തിവന്ന പ്രക്ഷോഭം ശക്തമായതിനെ തുടർന്ന് കേന്ദ്ര വിദ്യാഭ്യാസ മന്ത്രി ധർമേന്ദ്ര പ്രധാൻ രാജിവെച്ചു. ഇന്ന് ഉച്ചയോടെയാണ് അദ്ദേഹം തന്റെ രാജിക്കത്ത് പ്രധാനമന്ത്രി നരേന്ദ്ര മോദിക്ക് കൈമാറിയത്.
തുടക്കത്തിൽ മന്ത്രിയുടെ രാജി ആവശ്യം കേന്ദ്ര സർക്കാർ തള്ളിക്കളഞ്ഞിരുന്നു. പ്രധാനെ മാറ്റുന്നത് സമരം കൂടുതൽ ശക്തമാക്കാൻ ഇടയാക്കുമെന്നായിരുന്നു സർക്കാരിന്റെ കണക്കുകൂട്ടൽ. എന്നാൽ, മന്ത്രി സ്ഥാനം ഒഴിയാതെ പ്രതിഷേധത്തിൽ നിന്ന് പിന്നോട്ടില്ലെന്ന് പ്രക്ഷോഭകർ നിലപാടെടുത്തു.
മന്ത്രി രാജിവെച്ചില്ലെങ്കിൽ ഡൽഹി കേന്ദ്രീകരിച്ച് വൻ പ്രതിഷേധം സംഘടിപ്പിക്കുമെന്നും തങ്ങളുടെ ആവശ്യങ്ങളിൽ നിന്ന് പിന്മാറില്ലെന്നും സി.ജെ.പി മുന്നറിയിപ്പ് നൽകിയിരുന്നു. ഇതിന്റെ ഭാഗമായി നാളെ വൈകീട്ട് 6 മണിക്ക് രാജ്യവ്യാപകമായി മെഴുകുതിരി കത്തിച്ചുള്ള മാർച്ചും, 24 മണിക്കൂറിനുള്ളിൽ പാർലമെന്റ് മാർച്ചും നടത്താൻ തീരുമാനിച്ചിരുന്നു. ഈ മുന്നറിയിപ്പിന് പിന്നാലെയാണ് സമരക്കാരുടെ ആവശ്യം അംഗീകരിച്ച് മന്ത്രി രാജി സമർപ്പിച്ചത്.
