അന്തരിച്ച മുന് മുഖ്യമന്ത്രി വി.എസ് അച്യുതാനന്ദനെ സോഷ്യല് മീഡിയയിലൂടെ അധിക്ഷേപിച്ച അധ്യാപകനെ നഗരൂര് പൊലീസ് അറസ്റ്റ് ചെയ്തു. നഗരൂര് നെടുംപറമ്പ് സ്വദേശി വി. അനൂപ് ആണ് പിടിയിലായത്. നഗരൂര് പൊലീസ് ആണ് ഇയാളെ കസ്റ്റഡിയില് എടുത്തത്.ആറ്റിങ്ങല് ഗവണ്മെന്റ് ബോയ്സ് ഹയര് സെക്കന്ററി സ്കൂളിലെ അദ്ധ്യാപകന് അനൂപ്. വി എസ്സിന്റെ മരണ വാര്ത്ത അറിഞ്ഞപ്പോള് അധിക്ഷേപിച്ചു കൊണ്ടാണ് അനൂപ് വാട്സാപ്പില് സ്റ്റാറ്റസ് ഇട്ടത്. ഇതിനെതിരെ വ്യാപക പ്രതിഷേധം ഉയര്ന്നിട്ടുണ്ട്.
ഇയാളുടെ മൊഴി രേഖപ്പെടുത്തിയതിനു ശേഷം തുടര് നടപടികളിലേക്ക് പൊലീസ് കടക്കും. വിഎസിന്റെ പേരെടുത്ത് പറയാതെയുള്ള അനൂപിന്റെ വെറുപ്പ് നിറഞ്ഞ സ്റ്റാറ്റസ് സമൂഹമാധ്യമങ്ങളില് ചര്ച്ചയായിട്ടുണ്ട്. പലരും അനൂപിനെതിരെ അതിരൂക്ഷ വിമര്ശനവുമായി രംഗത്ത് വന്നിട്ടുണ്ട്.
